كونفەرەنسيادا پارتيا جۇمىسىن جاڭعىرتۋ، قوعاممەن بايلانىستى كۇشەيتۋ، ق ر پرەزيدەنتىنىڭ بەس الەۋمەتتىك باستاماسىن جۇزەگە اسىرۋ جۇمىستارىنا قوعامدىق باقىلاۋدى كۇشەيتۋ جولدارى تالقىلاندى. جيىندا ماۋلەن اشىمبايەۆ جاڭادان قۇرىلعان تۇركىستان وبلىسىنىڭ بولاشاعى جارقىن بولاتىنىنا سەنىم ءبىلدىردى. تۇركىستاننىڭ قازاق تاريحىنداعى ماڭىزىنا توقتالدى. پارتيا فيليالى وسى شاھاردى دامىتىپ، ءىرى ورتالىققا اينالدىرۋعا كۇش سالۋ كەرەكتىگىن جەتكىزدى.
– تۇركىستان ەلباسى ساياساتىنىڭ ارقاسىندا دامۋدىڭ جاڭا كەزەڭىنە اياق باسىپ وتىر. بۇل تاريحي شەشىم اتا-بابالارىمىز باستاپ كەتكەن ىرگەلى ءىستىڭ لايىقتى جالعاسى جانە قالانىڭ وسىپ-وركەندەۋىنە وڭ اسەرىن تيگىزەتىن ماڭىزدى قادام ەكەنى ءسوزسىز. تۇركىستان بولاشاقتا بارشا تۇركى الەمىنىڭ ورتالىعىنا اينالىپ، بۇرىنعى اتاق-داڭقىن قايتا يەمدەنەدى دەپ سەنەمىز. قالانىڭ وسىنداي الەۋەتىن ەسكەرە وتىرىپ، ءبىز تۇركىستاندا مادەني ءتۋريزمنىڭ دامۋىنا دا اسا ءمان بەرۋىمىز كەرەك. ەلباسىنىڭ تۇركىستان وبلىسىن قۇرىپ، ونىڭ ورتالىعى ەتىپ تۇركىستان قالاسىن بەلگىلەۋى تاريحىمىزدا التىن ارىپتەرمەن جازىلاتىن وقيعا. بۇل شەشىم تۇركىستاننىڭ قايتا تۇلەپ، ەلىمىزدىڭ وسىپ-وركەندەۋىنە ۇلەس قوساتىن ورتالىققا اينالۋىنا جول اشىپ وتىر. پرەزيدەنت جاڭا وبلىستى دامىتۋ جۇمىسىن ءبىلىمدى دە بىلىكتى باسشى جانسەيىت تۇيمەبايەۆقا سەنىپ تاپسىرىپ وتىر. ول بۇعان دەيىن دە كوپتەگەن قىزمەتتەردى ابىرويمەن اتقاردى. وڭتۇستىك قازاقستان وبلىسىن دامىتۋ جولىندا ناتيجەلى جۇمىستار ىستەدى. شەبەر ۇيىمداستىرۋشى عانا ەمەس، بەلگىلى تۇركىتانۋشى عالىم. تۇركيادا ەلشى بولىپ قىزمەت اتقارعان، تۇركى الەمىنىڭ ەرەكشەلىكتەرىن، قىر-سىرىن جاقسى بىلەدى. سوندىقتان بۇل ازاماتتىڭ ەر تۇرىكتىڭ بەسىگى بولعان تۇركىستاندى گۇلدەندىرىپ، بۇرىنعى داڭقىن قايتا شىعاراتىنىنا سەنەمىز جانە جۇكتەلگەن مىندەتتەردى تىڭعىلىقتى اتقاراتىنىنا ەشقانداي كۇمانىمىز جوق. وسىعان وراي، جانسەيىت تۇيمەبايەۆتى وبلىستىق فيليالدىڭ ءتوراعالىعىنا ۇسىنامىز، – دەدى پارتيا ءتوراعاسىنىڭ ءبىرىنشى ورىنباسارى ماۋلەن اشىمبايەۆ.
كونفەرەنسيا دەلەگاتتارىنىڭ ءبىراۋىزدان قولداۋىمەن وبلىس اكىمى جانسەيىت تۇيمەبايەۆ «نۇر وتان» پارتياسىنىڭ تۇركىستان وبلىستىق فيليالىنىڭ ءتوراعاسى بولىپ سايلاندى. ماۋلەن اشىمبايەۆ وبلىس اكىمىنىڭ بۇل قىزمەتتى دە ابىرويمەن اتقاراتىنىنا سەنىم ءبىلدىرىپ، ءتوراعالىق كۋالىگىن سالتاناتتى تۇردە تاپسىردى.
وزىنە ارتىلعان سەنىمدى اقتاۋعا ۋادە بەرگەن جانسەيىت تۇيمەبايەۆ ءوڭىردى دامىتۋ باعىتىندا بار كۇش-جىگەرى مەن تاجىريبەسىن جۇمسايتىنىن ايتتى.
– ەلباسىمىز قازاقتىڭ عانا ەمەس، كۇللى تۇركى الەمىنىڭ رۋحاني استاناسى تۇركىستاندى وبلىس ورتالىعى ەتىپ بەلگىلەپ بەردى. وبلىس تۇركىستان دەپ اتالاتىن بولدى. بۇل ەلدىڭ دە تىلەگىمەن استاسقان شەشىم بولدى. سوندىقتان نۇرسۇلتان ءابىشۇلىنا تۇركىستاندىقتاردىڭ ىستىق ىقىلاسى مەن ريزاشىلىعىن جەتكىزۋىڭىزدى سۇرانامىن. سونداي-اق جاڭا اۋداندارعا بولىنگەن سارىاعاش پەن ماقتاارالدىڭ تۇرعىندارى داالعىس ايتىپ جاتىر. ال بۇگىن پارتيا فيليالىنىڭ الدىنا جاڭا مىندەتتەر جۇكتەلىپ وتىر. وبلىس حالقى مەن وسىنداعى پارتيا مۇشەلەرى ەلباسى جولداۋىنداعى تاپسىرمالار مەن مىندەتتەردى، يگى باستامالاردى جۇمىلا ورىندايتىنىنا ۋادە بەرەمىن. ءقازىر تۇركىستان قالاسىنىڭ باس جوسپارى جاسالىپ جاتىر. وڭىردەگى 24 باسقارما مەن 30 دەپارتامەنت وسىندا كوشىپ كەلەدى. اۋقىمدى جۇمىستاردى بىرلىكپەن اتقارامىز دەگەن سەنىمدەمىن، – دەدى ول.
كونفەرەنسيادا پارتيا ساياسي كەڭەسىنىڭ كەڭەيتىلگەن وتىرىسى دا ۇيىمداستىرىلىپ، وندا ەلباسى ايقىنداپ بەرگەن جاڭا مىندەتتەردى ورىنداۋ جولدارى تالقىلاندى.پارتيالىق جاڭا جوبالاردى تۇركىستان وبلىسىندا ءتيىمدى جۇزەگە ماسەلەلەرى ءسوز بولىپ، ماۋلەن اشىمبايەۆ پارتيانىڭ وبلىستىق فيليالىنا تاپسىرمالار بەردى.
وسى جيىندا «نۇر وتان» پارتياسى تۇركىستان وبلىستىق فيليالى ساياسي كەڭەسىنىڭ، تەكسەرۋ-باقىلاۋ كوميسسياسىنىڭ جانە ساياسي كەڭەس بيۋروسىنىڭ قۇرامى دا بەكىتىلدى. م. اشىمبايەۆ كونفەرەنسيادا بەكىتىلگەن پارتيانىڭ جاڭا قۇرامىنا ەلباسىنىڭ باعدارلامالارىنان تۋىندايتىن تاپسىرمالار مەن مىندەتتەردى ساپالى تۇردە جۇزەگە اسىرۋدى جۇكتەدى.
تۇركىستان وبلىسى اكىمىنىڭ باسپا ءسوز قىزمەتى
