كونفەرەنتسييادا پارتييا جۇمىسىن جاڭعىرتۋ, قوعاممەن بايلانىستى كٷشەيتۋ, قر پرەزيدەنتٸنٸڭ بەس ەلەۋمەتتٸك باستاماسىن جٷزەگە اسىرۋ جۇمىستارىنا قوعامدىق باقىلاۋدى كٷشەيتۋ جولدارى تالقىلاندى. جيىندا مەۋلەن ەشٸمباەۆ جاڭادان قۇرىلعان تٷركٸستان وبلىسىنىڭ بولاشاعى جارقىن بولاتىنىنا سەنٸم بٸلدٸردٸ. تٷركٸستاننىڭ قازاق تاريحىنداعى ماڭىزىنا توقتالدى. پارتييا فيليالى وسى شاھاردى دامىتىپ, ٸرٸ ورتالىققا اينالدىرۋعا كٷش سالۋ كەرەكتٸگٸن جەتكٸزدٸ.
كونفەرەنتسييا دەلەگاتتارىنىڭ بٸراۋىزدان قولداۋىمەن وبلىس ەكٸمٸ جانسەيٸت تٷيمەباەۆ «نۇر وتان» پارتيياسىنىڭ تٷركٸستان وبلىستىق فيليالىنىڭ تٶراعاسى بولىپ سايلاندى. مەۋلەن ەشٸمباەۆ وبلىس ەكٸمٸنٸڭ بۇل قىزمەتتٸ دە ابىرويمەن اتقاراتىنىنا سەنٸم بٸلدٸرٸپ, تٶراعالىق كۋەلٸگٸن سالتاناتتى تٷردە تاپسىردى.
– ەلباسىمىز قازاقتىڭ عانا ەمەس, كٷللٸ تٷركٸ ەلەمٸنٸڭ رۋحاني استاناسى تٷركٸستاندى وبلىس ورتالىعى ەتٸپ بەلگٸلەپ بەردٸ. وبلىس تٷركٸستان دەپ اتالاتىن بولدى. بۇل ەلدٸڭ دە تٸلەگٸمەن استاسقان شەشٸم بولدى. سوندىقتان نۇرسۇلتان ەبٸشۇلىنا تٷركٸستاندىقتاردىڭ ىستىق ىقىلاسى مەن ريزاشىلىعىن جەتكٸزۋٸڭٸزدٸ سۇرانامىن. سونداي-اق جاڭا اۋداندارعا بٶلٸنگەن سارىاعاش پەن ماقتاارالدىڭ تۇرعىندارى داالعىس ايتىپ جاتىر. ال بٷگٸن پارتييا فيليالىنىڭ الدىنا جاڭا مٸندەتتەر جٷكتەلٸپ وتىر. وبلىس حالقى مەن وسىنداعى پارتييا مٷشەلەرٸ ەلباسى جولداۋىنداعى تاپسىرمالار مەن مٸندەتتەردٸ, يگٸ باستامالاردى جۇمىلا ورىندايتىنىنا ۋەدە بەرەمٸن. قازٸر تٷركٸستان قالاسىنىڭ باس جوسپارى جاسالىپ جاتىر. ٶڭٸردەگٸ 24 باسقارما مەن 30 دەپارتامەنت وسىندا كٶشٸپ كەلەدٸ. اۋقىمدى جۇمىستاردى بٸرلٸكپەن اتقارامىز دەگەن سەنٸمدەمٸن, – دەدٸ ول.
كونفەرەنتسييادا پارتييا ساياسي كەڭەسٸنٸڭ كەڭەيتٸلگەن وتىرىسى دا ۇيىمداستىرىلىپ, وندا ەلباسى ايقىنداپ بەرگەن جاڭا مٸندەتتەردٸ ورىنداۋ جولدارى تالقىلاندى.پارتييالىق جاڭا جوبالاردى تٷركٸستان وبلىسىندا تيٸمدٸ جٷزەگە مەسەلەلەرٸ سٶز بولىپ, مەۋلەن ەشٸمباەۆ پارتييانىڭ وبلىستىق فيليالىنا تاپسىرمالار بەردٸ.
وسى جيىندا «نۇر وتان» پارتيياسى تٷركٸستان وبلىستىق فيليالى ساياسي كەڭەسٸنٸڭ, تەكسەرۋ-باقىلاۋ كوميسسيياسىنىڭ جەنە ساياسي كەڭەس بيۋروسىنىڭ قۇرامى دا بەكٸتٸلدٸ. م. ەشٸمباەۆ كونفەرەنتسييادا بەكٸتٸلگەن پارتييانىڭ جاڭا قۇرامىنا ەلباسىنىڭ باعدارلامالارىنان تۋىندايتىن تاپسىرمالار مەن مٸندەتتەردٸ ساپالى تٷردە جٷزەگە اسىرۋدى جٷكتەدٸ.
تٷركٸستان وبلىسى ەكٸمٸنٸڭ باسپاسٶز قىزمەتٸ
