Janseiit Túimebaev «Nur Otan» partiiasy Túrkistan oblystyq filialynyń tóraǵasy bolyp sailandy: 20 shilde 2018

Búgin Túrkistan qalasynda «Nur Otan» partiiasynyń Túrkistan oblystyq filialynyń kezekten tys konferentsiiasy ótti. Jiynǵa «Nur Otan» partiiasy tóraǵasynyń birinshi orynbasary Máýlen Áshimbaev pen Túrkistan oblysynyń ákimi Janseiit Túimebaev jáne delegattarqatysyp, konferentsiiany Olimpiada júldegeri Denis Tendi bir minýt únsizdikpen eske alýmen bastady.

Konferentsiiada partiia jumysyn jańǵyrtý, qoǵammen bailanysty kúsheitý, QR Prezidentiniń bes áleýmettik bastamasyn júzege asyrý jumystaryna qoǵamdyq baqylaýdy kúsheitý joldary talqylandy. Jiynda Máýlen Áshimbaev jańadan qurylǵan Túrkistan oblysynyń bolashaǵy jarqyn bolatynyna senim bildirdi. Túrkistannyń qazaq tarihyndaǵy mańyzyna toqtaldy. Partiia filialy osy shahardy damytyp, iri ortalyqqa ainaldyrýǵa kúsh salý kerektigin jetkizdi.

– Túrkistan Elbasy saiasatynyń arqasynda damýdyń jańa kezeńine aiaq basyp otyr. Bul tarihi sheshim ata-babalarymyz bastap ketken irgeli istiń laiyqty jalǵasy jáne qalanyń ósip-órkendeýine oń áserin tigizetin mańyzdy qadam ekeni sózsiz. Túrkistan bolashaqta barsha túrki áleminiń ortalyǵyna ainalyp, burynǵy ataq-dańqyn qaita iemdenedi dep senemiz. Qalanyń osyndai áleýetin eskere otyryp, biz Túrkistanda mádeni týrizmniń damýyna da asa mán berýimiz kerek. Elbasynyń Túrkistan oblysyn quryp, onyń ortalyǵy etip Túrkistan qalasyn belgileýi tarihymyzda altyn áriptermen jazylatyn oqiǵa. Bul sheshim Túrkistannyń qaita túlep, elimizdiń ósip-órkendeýine úles qosatyn ortalyqqa ainalýyna jol ashyp otyr. Prezident jańa oblysty damytý jumysyn bilimdi de bilikti basshy Janseiit Túimebaevqa senip tapsyryp otyr. Ol buǵan deiin de kóptegen qyzmetterdi abyroimen atqardy. Ońtústik Qazaqstan oblysyn damytý jolynda nátijeli jumystar istedi. Sheber uiymdastyrýshy ǵana emes, belgili túrkitanýshy ǵalym. Túrkiiada elshi bolyp qyzmet atqarǵan, Túrki áleminiń erekshelikterin, qyr-syryn jaqsy biledi. Sondyqtan bul azamattyń er túriktiń besigi bolǵan Túrkistandy gúldendirip, burynǵy dańqyn qaita shyǵaratynyna senemiz jáne júktelgen mindetterdi tyńǵylyqty atqaratynyna eshqandai kúmánimiz joq. Osyǵan orai, Janseiit Túimebaevty oblystyq filialdyń tóraǵalyǵyna usynamyz, – dedi partiia tóraǵasynyń birinshi orynbasary Máýlen Áshimbaev.

Konferentsiia delegattarynyń biraýyzdan qoldaýymen oblys ákimi Janseiit Túimebaev «Nur Otan» partiiasynyń Túrkistan oblystyq filialynyń tóraǵasy bolyp sailandy. Máýlen Áshimbaev oblys ákiminiń bul qyzmetti de abyroimen atqaratynyna senim bildirip, tóraǵalyq kýáligin saltanatty túrde tapsyrdy.

Ózine artylǵan senimdi aqtaýǵa ýáde bergen Janseiit Túimebaev óńirdi damytý baǵytynda bar kúsh-jigeri men tájiribesin jumsaitynyn aitty.

– Elbasymyz qazaqtyń ǵana emes, kúlli túrki áleminiń rýhani astanasy Túrkistandy oblys ortalyǵy etip belgilep berdi. Oblys Túrkistan dep atalatyn boldy. Bul eldiń de tilegimen astasqan sheshim boldy. Sondyqtan Nursultan Ábishulyna túrkistandyqtardyń ystyq yqylasy men rizashylyǵyn jetkizýińizdi suranamyn. Sondai-aq jańa aýdandarǵa bólingen Saryaǵash pen Maqtaaraldyń turǵyndary daalǵys aityp jatyr. Al búgin partiia filialynyń aldyna jańa mindetter júktelip otyr. Oblys halqy men osyndaǵy partiia músheleri Elbasy Joldaýyndaǵy tapsyrmalar men mindetterdi, igi bastamalardy jumyla oryndaitynyna ýáde beremin. Qazir Túrkistan qalasynyń Bas jospary jasalyp jatyr. Óńirdegi 24 basqarma men 30 departament osynda kóship keledi. Aýqymdy jumystardy birlikpen atqaramyz degen senimdemin, – dedi ol.

Konferentsiiada partiia Saiasi Keńesiniń keńeitilgen otyrysy da uiymdastyrylyp, onda Elbasy aiqyndap bergen jańa mindetterdi oryndaý joldary talqylandy.Partiialyq jańa jobalardy Túrkistan oblysynda tiimdi júzege máseleleri sóz bolyp, Máýlen Áshimbaev partiianyń oblystyq filialyna tapsyrmalar berdi.

Osy jiynda «Nur Otan» partiiasy Túrkistan oblystyq filialy Saiasi keńesiniń, tekserý-baqylaý komissiiasynyń jáne Saiasi keńes biýrosynyń quramy da bekitildi. M. Áshimbaev konferentsiiada bekitilgen partiianyń jańa quramyna Elbasynyń baǵdarlamalarynan týyndaityn tapsyrmalar men mindetterdi sapaly túrde júzege asyrýdy júktedi.

Túrkistan oblysy ákiminiń baspasóz qyzmeti

Janseiit Túimebaev «Nur Otan» partiiasy Túrkistan oblystyq filialynyń tóraǵasy bolyp sailandy

Oqi otyryńyz

Shymbulaqqa benzin jáne dizel kólikteriniń kirýine qoiylǵan tyiym joiyldy

"5 jyl ótse de, saǵynysh basylmady": Aiman Talǵatqyzy ájesin eske aldy

KTK telearnasy Nazarbaev qoryna taǵy da dividend tólemeidi