وبلىس اكىمى جانسەيىت تۇيمەبايەۆ ەلباسى جارلىعىنا وراي وڭىردە جاڭا اۋدانداردىڭ قۇرىلۋىنا بايلانىستى سارىاعاش اۋدانىنا باردى. جاڭادان قۇرىلعان كەلەس اۋدانىنىڭ ورتالىعى اباي اۋىلىنداعى ورتالىق ستاديوندا وتكەن سالتاناتتى شاراعا وبلىستىق ءماسليحاتتىڭ حاتشىسى ق.بالابييەۆ، «نۇر وتان» پارتياسى وبلىستىق فيليالى ءتوراعاسىنىڭ ءبىرىنشى ورىنباسارى ن.جولداسوۆ، سونداي-اق وبلىستىق ءماسليحاتتىڭ دەپۋتاتتارى مەن قوعام قايراتكەرلەرى، زيالى قاۋىم وكىلدەرى قاتىستى.



تاريحي جيىندا العاشقى بولىپ ءسوز العان ايماق باسشىسى جانسەيىت قانسەيىت ۇلى اۋداننىڭ بولىنۋدەگى ماڭىزىنا توقتالىپ، جەرگىلىكتى جۇرتقا قۇتتىقتاۋىن جەتكىزدى.

– بۇگىن ءبىز وزدەرىڭىزبەن اسا ءبىر ۇلكەن تاريحي وقيعانىڭ كۋاگەرى بولۋدامىز. ەلباسىمىز نۇرسۇلتان ءابىش ۇلى نازاربايەۆ حالىق تىلەگىن ورىنداپ، ەلىمىزدەگى ەڭ ۇلكەن اۋداندى ەكىگە ءبولىپ بەردى. كەزىندە كەلەس اۋدانىنىڭ داڭقى ماقتا ءوندىرۋ سالاسىنداعى جەتىستىكتەرىمەن بۇكىل كەڭەستەر وداعىنا دۇرىلدەپ تانىلدى. وسى سالادا بۇل وڭىردەن كوپتەگەن سوسياليستىك ەڭبەك ەرلەرى شىقتى. بۇل اۋدان وزبەكستاننىڭ 5 اۋدانىمەن شەكارالاسادى. حالقىنىڭ سانى 350 مىڭنان استى، ياعني كەيبىر سولتۇستىك وبلىستاردىڭ حالقىنىڭ سانىنا شامالاپ قالدى. ەلباسىمىزدىڭ ۇلكەن ستراتەگيالىق ماڭىزى بار شەشىمىمەن قايتا قالپىنا كەلتىرىلىپ جاتقان كەلەس دەپ اتالاتىن اۋدان بارلىعىمىزعا قۇتتى بولسىن، – دەدى وبلىس اكىمى.

ايتا كەتەتىنى، ەندى جاڭا قۇرىلىم بويىنشا سارىاعاش اۋدانىنىڭ اۋماعى اۋماعى – 417074 گەكتاردى، حالقىنىنىڭ سانى – 191 096ء-ى قۇرايدى. قۇرامىندا 14 اۋىلدىق وكرۋگ پەن 71 ەلدى مەكەن بولماق. ورتالىعى – سارىاعاش قالاسى. ال كەلەس اۋدانىنىڭ اۋماعى 345 127 گەكتاردى قۇراسا، حالقىنىڭ سانى – 135 819. اۋداندا 12 اۋىلدىق وكرۋگ پەن 83 ەلدى مەكەن قاراماعىندا بولادى. ورتالىعى – اباي اۋىلى.

سونداي-اق، سالتاناتتى شارادا ايماق باسشىسى جانسەيىت تۇيمەبايەۆ اۋدان ءۇشىن تەر توگىپ، ەڭبەك ەتكەن ازاماتتاردى «وبلىسقا سىڭىرگەن ەڭبەگى ءۇشىن» مەدالىمەن، وبلىس اكىمىنىڭ گراموتاسىمەن جانە العىس حاتىمەن ماراپاتتادى.

ايتۋلى تاريحي كۇندە وتاندىق ەسترادا جۇلدىزدارىنىڭ كونسەرتى ۇيىمداستىرىپ، جەرگىلىكتى جۇرتقا مەرەكەلىك تارتۋ جاسالدى.