Tarihi jiynda alǵashqy bolyp sóz alǵan aimaq basshysy Janseiit Qanseiituly aýdannyń bólinýdegi mańyzyna toqtalyp, jergilikti jurtqa quttyqtaýyn jetkizdi.
– Búgin biz ózderińizben asa bir úlken tarihi oqiǵanyń kýágeri bolýdamyz. Elbasymyz Nursultan Ábishuly Nazarbaev halyq tilegin oryndap, elimizdegi eń úlken aýdandy ekige bólip berdi. Kezinde Keles aýdanynyń dańqy maqta óndirý salasyndaǵy jetistikterimen búkil keńester odaǵyna dúrildep tanyldy. Osy salada bul óńirden kóptegen Sotsialistik Eńbek Erleri shyqty. Bul aýdan Ózbekstannyń 5 aýdanymen shekaralasady. Halqynyń sany 350 myńnan asty, iaǵni keibir soltústik oblystardyń halqynyń sanyna shamalap qaldy. Elbasymyzdyń úlken strategiialyq mańyzy bar sheshimimen qaita qalpyna keltirilip jatqan Keles dep atalatyn aýdan barlyǵymyzǵa qutty bolsyn, – dedi oblys ákimi.
Sondai-aq, saltanatty sharada aimaq basshysy Janseiit Túimebaev aýdan úshin ter tógip, eńbek etken azamattardy «Oblysqa sińirgen eńbegi úshin» medalimen, Oblys ákiminiń gramotasymen jáne alǵys hatymen marapattady.
Aitýly tarihi kúnde otandyq estrada juldyzdarynyń kontserti uiymdastyryp, jergilikti jurtqa merekelik tartý jasaldy.
