جانداربەك بەكشيننٸڭ ايتۋىنشا, قالادا ٸندەت جۇقتىرۋ دەڭگەيٸ تٶمەندەگەن, بٸراق بوساڭسۋعا ەلٸ ەرتە. پاندەمييا باستالعالى COVID-19 ينفەكتسيياسىنىڭ 155 739 راستالعان جاعدايى تٸركەلدٸ.
– تىنىشتالۋعا ەلٸ ەرتە, جۇمىستى جالعاستىرۋىمىز كەرەك, دەرت جۇقتىرۋ سانى ەلٸ دە جوعارى. قالا ەلٸ دە «قىزىل» ايماقتا. بٸزدٸڭ مٸندەت – دەرتتٸ شەكتەۋ شارالارىن قولدانۋ ارقىلى تٶمەندەتۋ. مۇندا بەرٸمٸز جاۋاپكەرشٸلٸك تانىتۋعا تيٸسپٸز, – دەدٸ الماتى قالاسىنىڭ باس سانيتارلىق دەرٸگەرٸ.
ايتا كەتەرلٸگٸ, الماتىلىقتاردىڭ بٸر بٶلٸگٸ ەكپە سالدىرماي, دەنساۋلىقتارىنا قاۋٸپ تٶندٸرسە, ەپيدەميولوگتار كوروناۆيرۋستان قورعانۋدىڭ جاڭا جولدارىن ٸزدەستٸرۋدە.
قابىلدانعان شارالاردىڭ نەتيجەسٸندە الماتىدا كوروناۆيرۋس بويىنشا ەپيدەميولوگييالىق جاعداي تۇراقتالدى. قالا تۇرعىندارى اراسىندا اۋرۋ جاعدايىنىڭ تٶمەندەۋٸ 25 تامىزداعى 1605-تەن 8 قىركٷيەككە 976-عا دەيٸن تٸركەلدٸ.
– بۇل تٶمەندەۋ بٷگٸندە الماتى تۇرعىندارىنىڭ 46% يممۋندىق قاباتىنىڭ قالىپتاسۋىنا بايلانىستى. قازٸرگٸ ۋاقىتتا كوروناۆيرۋسقا قارسى كٷنٸنە 3 مىڭعا جۋىق ادام ۆاكتسينالانادى, بۇل بٸر اي بۇرىن كٷنٸنە 10-12 مىڭعا جۋىق ادامعا ۆاكتسينالانعاننان ەلدەقايدا از, – دەدٸ مەگاپوليستٸڭ باس دەرٸگەرٸ.
بٷگٸندە ۆاكتسيناتسييامەن قامتۋ بٸرٸنشٸ كومپونەنتپەن – 45% – 899 784 ادامدى, ەكٸنشٸ كومپونەنتپەن – 39% – 779 870 ادامدى قۇرادى, بۇل قالادا ٸندەتتٸڭ تارالۋىن تەۋلٸگٸنە 970-1200 جاعداي دەڭگەيٸندە ۇستاپ وتىر. قالا تۇرعىندارىنىڭ الدىندا ۆاكتسينالانعانداردىڭ سانىن مٷمكٸندٸگٸنشە تەزٸرەك 75%-عا دەيٸن جەنە ودان دا كٶپكە جەتكٸزۋ مٸندەتٸ تۇر.
جانداربەك بەكشين ۆاكتسينالاردىڭ تيٸمدٸلٸگٸنە كٷمەندانۋدى توقتاتۋعا شاقىردى. ونىڭ پٸكٸرٸنشە, ەگدە جاستاعى ادامداردىڭ ۆاكتسينالانۋى ٶتە ماڭىزدى. سونىمەن قاتار, مەگاپوليستٸڭ باس سانيتارلىق دەرٸگەرٸ جاستاردى تەرتٸپكە شاقىردى, ٶيتكەنٸ ولار – كوروناۆيرۋستىڭ گيپەر تاراتۋشىلارى.
– بٸز ۆاكتسينالار 100 پايىز قورعاۋدى قامتاماسىز ەتپەيتٸنٸن تٷسٸنەمٸز. الايدا, ولاردىڭ «دەلتا» شتاممىنا قارسى تۇرۋى 80%-دان اسادى. ۆاكتسينالانعان الماتىلىقتاردىڭ اۋرۋحانا تٶسەگٸنە 20 ەسە از تٷسەتٸنٸن اتاپ ٶتكٸم كەلەدٸ, – دەدٸ جانداربەك بەكشين.
جالپى, جىل باسىنان بەرٸ 137,2 مىڭ كۆي جاعدايى تٸركەلدٸ, تامىزدا – 46,9 مىڭ جاعداي, قىركٷيەك ايىنىڭ باسىنان بەرٸ تٸركەلگەنٸ – 8 916 جاعداي.
