زامان تالابىنا ساي ءبىلىم بەرۋ وقۋشىلاردىڭ ادامگەرشىلىك، ينتەللەكتۋالدىق دامۋىنىڭ جوعارى دەڭگەيى مەن ءبىلىمىن قامتاماسىز ەتۋگە باعىتتالعان وقىتۋدىڭ ۇزدىكسىز ءۇردىسى دەسەك، ونىڭ تيىمدىلىگى مەن ساپاسىن ارتتىرۋ مۇعالىمنەن وقۋ پروسەسىنىڭ عىلىمي تەورياعا نەگىزدەلگەن جانە وقۋشىنىڭ قابىلەتى مەن بەيىمىنە نەگىزدەلگەن وقىتۋدىڭ تاڭدامالى ادىستەرىنە كوشۋدى تالاپ ەتەدى. ونداعى نەگىزگى ماقسات وقۋشىعا ساپالى ءبىلىم بەرۋ بولىپ تابىلادى. بۇگىنگى تاڭدا جاس ۇرپاققا كەز كەلگەن ءپاندى ۇعىندىرۋدىڭ ءتيىمدى جولى – جاڭا تەحنولوگيا نەگىزدەرى بولىپ تابىلادى.
وقىتۋدا جاڭا تەحنولوگيالاردى پايدالانۋ ءمۇعالىم ءۇشىن قانداي ماڭىزدى بولسا، وقۋشى ءۇشىن ودان دا ماڭىزدى. جاڭا تەحنولوگيالار وقۋشىلاردىڭ ءبىلىم ساپاسىن ارتتىرۋعا، وزدىگىنەن جۇمىس ىستەۋ مۇمكىندىگىن مولايتۋعا كوپ كومەگىن تيگىزەدى.
بۇگىنگى وقىتۋ جۇيەسىندە ءارتۇرلى جاڭا تەحنولوگيالاردى پايدالانۋ تاجىريبەگە ەنىپ، ناتيجەلەر بەرۋدە. ءاربىر ساباقتا وقىتۋدىڭ ءتيىمدى ءادىس – تاسىلدەرىن ەنگىزىپ جۇرسە، ءبىلىم ساپاسىنا ەلەۋلى اسەر ەتەدى. كەز كەلگەن ساباقتى قىزىقتى وتكىزۋ ءۇشىن ءاربىر ۇستاز جاڭالىققا ۇمتىلىپ، ىزدەنىس ۇستىندە بولعانى ابزال.
ساباق بارىسىندا ءبىر عانا تاسىلمەن شەكتەلمەي، ءوز ساباقتارىمدا قازىرگى تاڭداعى يننوۆاسيالىق تەحنولوگيالاردى وقۋشىلاردىڭ جاس ەرەكشەلىكتەرىنە بايلانىستى تاڭداپ قولدانامىن. اتاپ ايتساق، مودۋلدىك تەحنولوگيا، سىن تۇرعىسىنان ويلاۋ، تىرەك-سىزبا، دامىتا وقىتۋ، دەڭگەيلەپ-سارالاپ وقىتۋ بولىپ تابىلادى. مەن ءۇشىن ءاربىر ساباققا جاڭالىقتاردى، وزىق تاجىريبەلەردى پايدالانۋ ۇلكەن جەتىستىكتەرگە جەتەلەيدى. ءوزىمنىڭ ءاربىر ساباعىمدا وزىق تەحنولوگيالاردى پايدالانۋ جاقسى ناتيجەلەر بەرگەنىن كورۋدەمىن. كەز كەلگەن ساباعىمدا تاقىرىپ بويىنشا جاڭالىقتارمەن تانىستىرۋ ارقىلى باستاۋ داستۇرگە اينالدى. قىزىعۋشىلىقتى ارتتىرۋ ارقىلى ساباقتى باستاۋ سول ساباقتىڭ اياعىنا دەيىن قىزىق وتۋىنە سەبەپ. ءار ءتۇرلى ادىستەردى ساباعىمدا قولدانىپ ءتيىمدى – ءتيىمسىز جاقتارىن زەرتتەپ، ىزدەنىپ ءجۇرمىن.
ش.ر. شامارحانوۆا، شقو. تارباعاتاي اۋدانى، اقجار اۋىلى، م.اۋەزوۆ اتىنداعى ورتا مەكتەبى، باستاۋىش سىنىپ ءمۇعالىمى.
