17 ءساۋىر كۇنى تاڭعى ساعات 05-04 شاماسىندا جاڭاوزەن قالاسىندا ەكى كىرەبەرىستى 12 پاتەرلى 2 قاباتتى تۇرعىن ءۇيدىڭ 2ء-شى كىرەبەرىستەگى پاتەرىندە جارىلىس بولدى، – دەپ حابارلايدى Dalanews.kz ماڭعىستاۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

بولجام بويىنشا گاز قوسپاسى جارىلىپ، 150 شارشى مەتر اۋماقتا كىرەبەرىس قۇلاعان.

ساعات 08-30-دا ءۇيىندى استىنان التى ادام شىعارىلدى.

08-30-عا دەيىن 13 ادام زارداپ شەكتى، ونىڭ ىشىندە 1 ءمايىت تابىلدى، 5 ادام اۋرۋحاناعا جاتقىزىلدى، 7 ادام ۇيىنە شىعارىلدى.

جارىلىس سالدارىنان 3 پاتەر زارداپ شەكتى.

بۇگىندە تۇرعىن ءۇي گازدان اجىراتىلعان. قوقىستار تازارتىلۋدا.



جارىلىستىڭ سەبەپتەرى مەن جاعدايلارى انىقتالۋدا.

تجد جەدەل شتابى مەن سەنىم تەلەفونىن ورنالاستىردى. جارىلىس ورنىندا جۇرگەن ايماق باسشىسى نۇرلان نوعايەۆ ۇيىندىلەردى شىعارۋ جۇمىستارىن ۇيلەستىرۋدە.

توتەنشە جاعدايلار دەپارتامەنتىنىڭ كۇشتەرى (56 ل/س، ونىڭ ىشىندە 1 ءتۇسىرۋ توبى جانە 9 تەحنيكا)، جەرگىلىكتى اتقارۋشى ورگاندار (13 ادام جانە 6 تەحنيكا)، سمپ (12 ادام جانە 6 تەحنيكا)، دپ (150 ل/س جانە 10 تەحنيكا)، ق ر ءىىم ۇق (60 اسكەري قىزمەتشى جانە 2 بىرلىك تەحنيكا) توتەنشە وقيعانىڭ سالدارىن جويۋعا جۇمىلدىرىلعان.