17 sáýir kúni tańǵy saǵat 05-04 shamasynda Jańaózen qalasynda eki kireberisti 12 páterli 2 qabatty turǵyn úıdiń 2-shi kireberistegi páterinde jarylys boldy, – dep habarlaıdy Dalanews.kz Mańǵystaý oblysy ákiminiń baspasóz qyzmetine silteme jasap.

Boljam boıynsha gaz qospasy jarylyp, 150 sharshy metr aýmaqta kireberis qulaǵan.

Saǵat 08-30-da úıindi astynan alty adam shyǵaryldy.

08-30-ǵa deıin 13 adam zardap shekti, onyń ishinde 1 máıit tabyldy, 5 adam aýrýhanaǵa jatqyzyldy, 7 adam úıine shyǵaryldy.

Jarylys saldarynan 3 páter zardap shekti.

Búginde turǵyn úı gazdan ajyratylǵan. Qoqystar tazartylýda.



Jarylystyń sebepteri men jaǵdaılary anyqtalýda.

TJD jedel shtaby men senim telefonyn ornalastyrdy. Jarylys ornynda júrgen aımaq basshysy Nurlan Noǵaev úıindilerdi shyǵarý jumystaryn úılestirýde.

Tótenshe jaǵdaılar departamentiniń kúshteri (56 l/s, onyń ishinde 1 túsirý toby jáne 9 tehnıka), jergilikti atqarýshy organdar (13 adam jáne 6 tehnıka), SMP (12 adam jáne 6 tehnıka), DP (150 l/s jáne 10 tehnıka), QR İİM UQ (60 áskerı qyzmetshi jáne 2 birlik tehnıka) tótenshe oqıǵanyń saldaryn joıýǵa jumyldyrylǵan.