ءىىم قازاقستان رەسپۋبليكاسى ازاماتىنىڭ جاڭا ۇلگىدەگى جەكە كۋالىكتەرىن شىعارا باستادى،- دەپ حابارلايدى Dalanews.kz.
15 ماۋسىمنان باستاپ ق ر ازاماتىنىڭ جاڭا ۇلگىدەگى جەكە كۋالىگى قولدانىسقا ەنگىزىلدى. جاڭا ۇلگىدەگى قۇجاتتا جەكە كۋالىك يەسىنىڭ ازاماتتىعى مەن جىنىسى تۋرالى دەرەكتەر كورسەتىلەدى. بۇرىن بۇل مالىمەتتەر جەكە كۋالىككە سالىنعان چيپتە بولعان.
جەكە كۋالىكتىڭ جاڭا ديزاينى بيۋدجەتتەن شىعىن تالاپ ەتپەيدى جانە ازاماتتاردىڭ جاڭا قۇجاتتاردى شىعارۋ ءۇشىن تولەيتىن مەملەكەتتىك باج مولشەرىنە اسەر ەتپەيدى (2024 جىلى مەملەكەتتىك باج مولشەرى 738،4 تەڭگەنى قۇرايدى).
"جارامدىلىق مەرزىمى اياقتالماعان جەكە كۋالىكتەر بۇدان ءارى دە جارامدى بولادى. قازاقستاندىقتار جاڭا ديزايندى جەكە كۋالىكتەردى تەك الدىڭعىنىڭ مەرزىمى اياقتالعان كەزدە نەمەسە ولاردى باسقا دا سەبەپتەرمەن اۋىستىرۋ كەزىندە الا الادى. ياعني، ءبىر مەزگىلدە جاپپاي قۇجات اۋىستىرۋ بولمايدى"، - دەپ جازىلعان حابارلامادا.
