IIM Qazaqstan Respýblikasy azamatynyń jańa úlgidegi jeke kýálikterin shyǵara bastady,- dep habarlaidy Dalanews.kz.
15 maýsymnan bastap QR azamatynyń jańa úlgidegi jeke kýáligi qoldanysqa engizildi. Jańa úlgidegi qujatta jeke kýálik iesiniń azamattyǵy men jynysy týraly derekter kórsetiledi. Buryn bul málimetter jeke kýálikke salynǵan chipte bolǵan.
Jeke kýáliktiń jańa dizainy biýdjetten shyǵyn talap etpeidi jáne azamattardyń jańa qujattardy shyǵarý úshin tóleitin memlekettik baj mólsherine áser etpeidi (2024 jyly memlekettik baj mólsheri 738,4 teńgeni quraidy).
"Jaramdylyq merzimi aiaqtalmaǵan jeke kýálikter budan ári de jaramdy bolady. Qazaqstandyqtar jańa dizaindy jeke kýálikterdi tek aldyńǵynyń merzimi aiaqtalǵan kezde nemese olardy basqa da sebeptermen aýystyrý kezinde ala alady. Iaǵni, bir mezgilde jappai qujat aýystyrý bolmaidy", - dep jazylǵan habarlamada.
