ۇكىم استانا قالاسى سارىارقا اۋدانىنىڭ №2 سوتىندا جاريالاندى.
سوت شەشىمىمەن ەلجان ءبىرتانوۆ 5 جىلعا، ولجاس ابىشيەۆ 4 جىلعا شارتتى تۇردە باس بوستاندىعىن شەكتەۋ جازاسىنا كەسىلدى.
"سوت ەلجان ءبىرتانوۆتى قىلمىستىق كودەكستىڭ 361-بابى 3-بولىگى بويىنشا سانيتارلىق اۆياسيا ۇشاعىن قولدانعانى ءۇشىن كىناسىز دەپ تانىدى. ەلجان ءبىرتانوۆ پەن ولجاس ابىشيەۆتى قىلمىستىق كودەكستىڭ 361-بابى 4-بولىگى 3-تارماعى بويىنشا كىنالى دەپ تانىپ، ءبىرتانوۆتى 5 جىلعا باس بوستاندىعىن شەكتەۋگە، ولجاس ابىشيەۆكە 4 جىلعا باس بوستاندىعىن شەكتەۋ تۋرالى ۇكىم شىعاردى، - دەلىنگەن سوت ۇكىمىندە.
ولارعا پروباسيالىق باقىلاۋ قويىلادى. سونداي-اق ەكەۋى دە ءومىر بويىنا مەملەكەتتىك قىزمەتتە جۇمىس ىستەۋ قۇقىعىنان ايىرىلدى.
سونداي-اق ولجاس ابىشيەۆ جازانىڭ نەگىزگى بولىگىن وتەگەنشە جىل سايىن 100 ساعات ءماجبۇرلى ەڭبەككە جۇمىسقا تارتىلادى.
سوتتالعاندارعا قىلمىستىق كودەكستىڭ 44-بابىنىڭ 2-بولىگىندە كوزدەلگەن مىندەتتەر جۇكتەلدى. سوعان سايكەس، سوتتالعاندار ولاردىڭ مىنەز-قۇلقىن باقىلايتىن ۋاكىلەتتى مەملەكەتتىك ورگانعا حابارلاماي، جۇمىس ورنى مەن تۇرعىلىقتى مەكەنجايىن وزگەرتپەۋى قاجەت. جۇمىستان بوس ۋاقىتتا تۇرعىلىقتى جەرىنەن، باسقا ايماقتارعا بارۋعا بولمايدى.
سونداي-اق دەنساۋلىق ساقتاۋ مينيسترلىگىنىڭ ازاماتتىق ارىزى جارتىلاي قاناعاتتاندارىلدى.
ءبىرتانوۆ پەن ابىشيەۆ 1 ميلليارد 350 ميلليون 123 مىڭ تەڭگەنىنىڭ ماتەريالدىق شىعىنىن وتەپ بەرۋگە مىندەتتەلدى.
ايتا كەتەيىك، ەكس-مينيستر سوت ۇكىمى شىقپاستان بۇرىن كوڭىل كۇيى جاقسى ەكەنىن جەتكىزدى.
"كوڭىل كۇيىم وتە جاقسى. سەبەبى ادۆوكاتتار جاقسى جۇمىس ىستەدى دەپ سەنەمىز. بۇگىنگى سوت شەشىمى ادىلەتتى بولادى دەپ سەنەمىز. مەنى، ولجاس ابىشيەۆتى سوت بوستادى دەپ سەنەمىز. جاڭا قازاقستانعا، ادىلەتتى قازاقستانعا سەنەمىز. ءبىز ەشقانداي دا جەمقور ەمەسپىز. ءبىز حالىق جاۋى ەمەسپىز"، - دەدى ەلجان ءبىرتانوۆ.
سونداي-اق سوت پروسەسى ءوتىپ جاتقان عيمارات ءىشى لىق تولدى. ولار ءبىرتانوۆ پەن ابىشيەۆتى بوساتۋدى سۇرادى.
بۇعان دەيىن مەملەكەتتىك ايىپتاۋشى بۇرىنعى دەنساۋلىق ساقتاۋ ءمينيسترى ەلجان ءبىرتانوۆتى 6 جىلعا باس بوستاندىعىنان ايىرۋدى سۇرادى.
سونداي-اق پروكۋرور ءبىرتانوۆ پەن ونىڭ بۇرىنعى ورىنباسارى ولجاس ابىشيەۆتەن 1،5 ميلليارد تەڭگە ءوندىرىپ الۋدى سۇرادى.
ودان بولەك، ءبىرتانوۆتان سانيتارلىق اۆياسيا بورتىن پايدالانۋعا جۇمسالعان 5 ملن 503 مىڭ 721 تەڭگە ءوندىرىپ الۋدى ۇسىندى.
https://dalanews.kz/news/82859-zhetisu-oblysynda-dini-akhualga-turaqt
https://dalanews.kz/ekonomika/82850-freedom-kompaniiasy-manggystau-ongirindegi-tu
