نازارباەۆ بار رەسۋرسىن تاۋسىپ, كەرەك قىلماعان ەرتٸسباەۆتىڭ توقاەۆقا قاتىستى ايتقان ەربٸر سٶزٸ حالىقتى توقاەۆتان الىستاتا تٷسەتٸندەي... (ەرتٸسباەۆتىڭ وسىنداي «ماگيياسى» بار عوي).
باسقانى قايدام ٶز باسىم سۇحباتتى باستان اياق تىڭداعانىمدا وسىنداي سەزٸمدٸ باستان كەشتٸم.
قازاق قوعامىندا نازارباەۆتىڭ اقتاۋشىسى رەتٸندە ەبدەن تانىلعان ەرتٸسباەۆتىڭ توقاەۆقا ادۆوكاد بولۋىن حالىق قابىلدامايدى.
جاڭا قازاقستاندى قۇرۋ كەزٸندە وسىعان دەيٸن بيلٸكتە بولعان شەندٸلەردٸڭ بەرٸمەن ات-قۇيرىعىن ٷزٸسۋدٸڭ قاجەتٸ جوق ەكەنٸن تٷسٸنەمٸز. ٶيتكەنٸ, بيلٸكتٸڭ ٸشٸندە دە نازارباەۆتىڭ شەكتەن شىققان ەرەكەتٸنە تالاعى تارس ايىرىلارداي بولىپ, ەرەڭ شىداپ جٷرگەن اق جاعالىلار بولدى. ونى مويىنداۋىمىز كەرەك.
بٸراق جاڭا قازاقستاندى قۇرۋ كەزٸندە ات قوسشى رەتٸندە دە تارتۋعا بولمايتىن شەندٸلەردٸڭ بار ەكەنٸن دە ەستەن شىعارماعان ابزال.
قازاق قوعامى ٷشٸن قۇندىلىعىن جوعالتقان سونداي شەندٸنٸڭ بٸرٸ – ەرمۇحامەد ەرتٸسباەۆ.
بۇلاي دەگەنٸمٸز ٷشٸن بٸزگە ەرەكەڭ رەنجٸمەي-اق قويماس. ٶزٸنٸڭ قازاقى قوعامدىق-ساياسي ٶمٸردە جاعىمسىز ادامعا اينالعانىن بٸزدەن ەمەس, ٶزٸنەن كٶرسٸن!
جاڭا قازاقستاندى قۇرۋ بارىسىندا قوعامدىق-ساياسي ٶمٸردە ارىلۋدى قاجەت ەتەتٸن دٷنيەلەر بار. سونىڭ بٸرٸ ھەم بٸرەگەيٸ – جاعىمپازدىق.
ەرتٸسباەۆتى اتى اتالعاندا كٶپشٸلٸك كٸرپٸدەي جيىرىلا قالادى. نەگە? ٶيتكەنٸ ول وسىعان دەيٸن قوعامدىق ورتادا نازارباۆ رەجيمٸن اقتاۋشى رەتٸندە تانىلدى.
ەلٸمٸزدە نازارباەۆ بيلٸگٸنٸڭ يدەولوگييالىق تۇرعىدان ۇزاققا سوزىلۋىنا ىقپال ەتكەن 10 شەندٸ بولسا, سونىڭ بەل ورتاسىندا ەرتٸسباەۆ تۇرارى حاق.
سوندىقتان ەرەكەڭدٸ جاڭا قازاقستاننىڭ ٸرگەسٸن قالاپ, ۋىعىن قاداۋعا مٷلدە ارالاستىرۋعا بولمايدى.
كەزٸندە نازارباەۆتىڭ ٶزٸ كەرەك قىلماي زەينەتكە جٸبەرگەن ەرتٸسباەۆتى حالىق توقاەۆتىڭ جانىنان مٷلدە كٶرگٸسٸ كەلمەيدٸ.
مۇنى توقاەۆتىڭ اينالاسىندا جٷرگەن ادامدار تٷسٸنۋٸ كەرەك.
ٶيتكەنٸ, ەرەكەڭ نازارباەۆ كەزٸندە ەدٸلەتسٸزدٸكتەن جاپا شەككەن توقتار ەۋبەكٸروۆ پەن جاقسىلىق قۇلەكەەۆپەن سالىستىرۋعا كەلمەيتٸن «چەلوۆەك» قوي.
سوندىقتان جاڭا قازاقستاندى قۇرۋعا بەل بۋعان توقاەۆتىڭ ەرتٸسباەۆتان اۋلاق جٷرگەنٸ ابزال.
ەرتٸسباەۆ كٷنٸ كەشە عانا بايتاسوۆقا بەرگەن سۇحباتىنان كەيٸن اشۋىمىز كەلٸپ, وسى جازبانى جازۋعا مەجبٷر بولدىق.
ەرەكەڭ كەزەكتەن تىس پرەزيدەنت سايلاۋى كەزٸندە توقاەۆتىڭ كانديداتۋرسىن ۇسىنۋ ٷشٸن قۇرىلعان حالىقتىق كواليتسييانى (ٸشٸندە «امانات», «اق جول», قازاقستان حالىقتىق پارتيياسى مەن ونداعان قوعامدىق ۇيىمدار بار) «تارقاتپاۋ كەرەك» دەپ كٶسٸلٸپ ەڭگٸمە ايتتى. ونىڭ ويىنشا, اتالعان كواليتسييا «ستراتەگييالىق مەسەلەلەرمەن» اينالىسۋ... ٷشٸن كەرەك ەكەن.
ەرتٸسباەۆتىڭ وسى ەڭگٸمەسٸنەن نازارباەۆ رەجيمٸن اڭساپ وتىرعانىن اڭعاردىق.
ەگەر پرەزيدەنت توقاەۆ قولعا العان ساياسي رەفورمالار ٸسكە اسسا ول جەردە ەرتٸسباەۆتىڭ «قىزمەتٸنە» دەگەن مۇقتاجدىق تۋىنداماۋى كەرەك. (نازارباەۆ رەجيمٸ كەزٸندە ەرتٸسباەۆتىڭ «قىزمەتٸ» ەدٸلەتٸسٸز سايلاۋلاردى اقتاۋ بولاعانىن بەرٸمٸز بٸلەمٸز).
حالىقتىق كواليتسييانى تارقاتپاي ساقتاپ قالعاننان نە ۇتامىز? ەشتەڭەدە ۇتپايمىز. بار بولعانى نازارباەۆ رەجيمٸنە قايتا قادام باسامىز.
بۇل – كواليتسييانىڭ تاراتپاساق, كەزٸندە «اسار», «ازاماتتىق» پارتييالاردى جەنە «التىن وردا» سىندى قوزعالىستاردى جۇتىپ قويعان «نۇر وتان» سيياقتى ەبەدەيسٸز بٸر «دينازوۆر» دٷنيەگە كەلەتٸنٸ انىق.
ال «دينوزاۆر» پارتييالاردىڭ العاشقى ساياسي زٸل-زالالارعا قارسى تۇرا الماي تىراپاي اساتىنىن تالاي رەت كۋە بولدىق ەمەس پە?
دەل قازٸر بٸزدٸڭ قوعامعا «دينوزاۆر» پارتييا ەمەس, جاڭا قازاقستانعا حالىقتىڭ تٷرٸ توپ ٶكٸلدەرٸنٸڭ مۇڭ-مۇقتاجىن جەتكٸزەتٸن كٶپتەگەن ساياسي ۇيىمدار اۋاداي قاجەت.
ەرتٸسباەۆ كٶكەمٸز وسىلايشا توقاەۆقا كەڭەس بەرگٸسٸ كەلٸپ وتىرعانىن بايقادىق. (اقىلىن قالتاسىنا سالىپ قويسىن!).
بۇل ەندٸ توقاەۆتىڭ جىل باسىنان قولعا الىپ جاتقان ساياسي رەفورماسىن جوققا شىعاراتىن كەڭەس قوي.
بٷگٸن سايلاۋدا جەڭٸسكە جەتكەن مەملەكەت باسشىسى قاسىم-جومارت توقاەۆتى ۇلىقتاۋ رەسٸمٸ ٶتتٸ.
بٷگٸننەن باستاپ قاسىم-جومارت توقاەۆ بارشا قازاق ەلٸ مويىنداعان, زاڭدى – پرەزيدەنتٸ.
دەمەك, بٷگٸننەن باستاپ توقاەۆتىڭ ساياسي رەفورمالارىنا مٷلدە ٷيلەسپەيتٸن ەڭگٸمە ايتقان ەرتٸسباەۆتان توقاەۆ ٸرگەسٸن اۋلاق سالۋى كەرەك.
حالىق الداعى 7 جىلدا توقاەۆ بيلٸكتٸ ٶزگەرتەدٸ دەپ سەنٸپ وتىر.
ال ەرتٸسباەۆ سىندى ەسكٸ بيلٸككە قىزمەت ەتكەن «چەلوۆەكتەر» بيلٸك توقاەۆتى ٶزگەرتكەنٸن قالايتىن سيياقتى...
نۇرلان جۇماحان
