جاڭا قازاقستان – جاڭا تۇرعىن-ٷي ساياساتى
«ەزٸر جاڭا قاعيدالاردىڭ قاڭقاسى عانا بار, قىزۋ تالقىلاۋ جٷرٸپ جاتىر. ٷكٸمەت «وتباسى بانكتٸڭ» بازاسىندا بٸرقاتار ورتالىقتار قۇرۋدى جوسپارلاپ وتىر», – دەيدٸ ساراپشىلار.
بٸزگە جەتكەن مەلٸمەت بويىنشا بانكتٸڭ ٸرگەسٸنەن «باسپانامەن قامتۋ ورتالىعى» قۇرىلادى. دەل وسى ارادا ەل كٶلەمٸندە ٷيسٸز-كٷيسٸز جٷرگەن ازاماتتاردىڭ تٸزٸمٸ جاسالادى. بىلايشا ايتقاندا, بۇل تسيفرلىق پلاتفورما بولادى.
«جاڭا قازاقستان بيلٸگٸ ەلٸمٸزدەگٸ تۇرعىن-ٷي ساياساتىن تولىق رەفورمالاۋعا كٸرٸسپەكشٸ. «وتباسى بانك» ەكٸنشٸ دەڭگەيدەگٸ قارجى ينستيتۋتتارىنىڭ قۇرامىنان شىعادى. 10-15 جىل بۇرىن ەزٸرلەنگەن قازٸرگٸ قاعيداتتار ەسكٸرٸپ قالدى. حالىقتى باسپانامەن قامتۋدىڭ جاڭاشىل, تيٸمدٸ جولدارىن ٸزدەستٸرگەن جٶن. مەسەلەن, ەلٸمٸزدە ەلٸ كٷنگە دەيٸن تۇرعىن-ٷيدٸ ەدٸل جولمەن بٶلۋدٸڭ بٸرتۇتاس جٷيەسٸ قالىپتاسپاعان. سونىڭ سالدارىنان باسپاناعا قول جەتكٸزە الماي جٷرگەن ازاماتتار ازايماي وتىر», – دەيدٸ بۇل رەتتە Dalanews-كە پٸكٸر بٸلدٸرگەن قارجىگەر ايبار ولجاي.
ساراپشى سٶزٸنٸڭ جانى بار. يندۋسترييا مينيسترلٸگٸنٸڭ بٸزگە بەرگەن مەلٸمەتٸ بويىنشا بٷگٸندە ەل كٶلەمٸندە 600 مىڭنان اسا ادام ٷي كەزەگٸن كٷتٸپ جٷر. بۇلاردىڭ 230 مىڭى تۇرمىسى تٶمەن, وسال توپتاعى ازاماتتار. ال بۇلاردىڭ ٸشٸندەگٸ 70 مىڭعا جۋىق ادام جالعىزلٸكتٸ انالار, مٷمكٸندٸگٸ شەكتەۋلٸ جەنە مٷگەدەك بالانى تەربيەلەپ وتىرعان جانۇيالار.
ەلٸمٸزدەگٸ تۇرعىن-ٷي ساياساتىن رەفورمالاۋ «وتباسىنا بانككە» باعىتتالاتىن قارجىنىڭ ازاياتىنىن بٸلدٸرە مە?
يندۋسترييا مينيسترٸ قايىربەك ٶسكەنباەۆتىڭ اتاپ ٶتكەنٸندەي بيىل قارجىلاندىرۋ جوسپارىنا ساي «وتباسى بانككە» 3 ملرد تەڭگەدەن استام اقشا اۋدارىلعان.
ايتا كەتەلٸك, قازٸرگٸ كٷنٸ "تۇرعىن ٷي ساياساتىن رەفورمالاۋ مەسەلەلەرٸ جٶنٸندەگٸ زاڭناما اكتٸلەرٸنە ٶزگەرٸستەر مەن تولىقتىرۋلار ەنگٸزۋ تۋرالى" زاڭ جوباسى شەڭبەرٸندە سمايىلوۆ ٷكٸمەتٸنٸڭ قورىتىندىسى ەزٸرلەنۋ ٷستٸندە.
ايبار ولجايدىڭ پايىمداۋىنشا باسپانامەن قامتاۋ ساياساتىنداعى جاڭا ٶزگەرٸستەر قۇرىلىسى كٷردەلٸ ەمەس وبەكتٸلەردٸ سالۋعا قويىلاتىن تٷرلٸ شەكتەۋلٸ, بيۋروكراتييالىق كەدەرگٸلەردٸ الىپ تاستاۋدى كٶزدەيدٸ. وسىنىڭ نەتيجەسٸندە قۇرىلىس كومپانييالارىنىڭ قولجەتٸمدٸ باسپانا قۇرىلىسىنا اتسالىسۋعا دەگەن قىزىعۋشىلىعى ارتادى.
