Jańa Qazaqstan – Jańa turǵyn-úi saiasaty
«Ázir jańa qaǵidalardyń qańqasy ǵana bar, qyzý talqylaý júrip jatyr. Úkimet «Otbasy banktiń» bazasynda birqatar ortalyqtar qurýdy josparlap otyr», – deidi sarapshylar.
Bizge jetken málimet boiynsha banktiń irgesinen «Baspanamen qamtý ortalyǵy» qurylady. Dál osy arada el kóleminde úisiz-kúisiz júrgen azamattardyń tizimi jasalady. Bylaisha aitqanda, bul tsifrlyq platforma bolady.
«Jańa Qazaqstan biligi elimizdegi turǵyn-úi saiasatyn tolyq reformalaýǵa kirispekshi. «Otbasy bank» ekinshi deńgeidegi qarjy institýttarynyń quramynan shyǵady. 10-15 jyl buryn ázirlengen qazirgi qaǵidattar eskirip qaldy. Halyqty baspanamen qamtýdyń jańashyl, tiimdi joldaryn izdestirgen jón. Máselen, elimizde áli kúnge deiin turǵyn-úidi ádil jolmen bólýdiń birtutas júiesi qalyptaspaǵan. Sonyń saldarynan baspanaǵa qol jetkize almai júrgen azamattar azaimai otyr», – deidi bul rette Dalanews-ke pikir bildirgen qarjyger Aibar Oljai.
Sarapshy sóziniń jany bar. Indýstriia ministrliginiń bizge bergen málimeti boiynsha búginde el kóleminde 600 myńnan asa adam úi kezegin kútip júr. Bulardyń 230 myńy turmysy tómen, osal toptaǵy azamattar. Al bulardyń ishindegi 70 myńǵa jýyq adam jalǵyzlikti analar, múmkindigi shekteýli jáne múgedek balany tárbielep otyrǵan januialar.
Elimizdegi turǵyn-úi saiasatyn reformalaý «Otbasyna bankke» baǵyttalatyn qarjynyń azaiatynyn bildire me?
Indýstriia ministri Qaiyrbek Óskenbaevtyń atap ótkenindei biyl qarjylandyrý josparyna sai «Otbasy bankke» 3 mlrd teńgeden astam aqsha aýdarylǵan.
Aita ketelik, qazirgi kúni "Turǵyn úi saiasatyn reformalaý máseleleri jónindegi zańnama aktilerine ózgerister men tolyqtyrýlar engizý týraly" zań jobasy sheńberinde Smaiylov Úkimetiniń qorytyndysy ázirlený ústinde.
Aibar Oljaidyń paiymdaýynsha baspanamen qamtaý saiasatyndaǵy jańa ózgerister qurylysy kúrdeli emes obektilerdi salýǵa qoiylatyn túrli shekteýli, biýrokratiialyq kedergilerdi alyp tastaýdy kózdeidi. Osynyń nátijesinde qurylys kompaniialarynyń qoljetimdi baspana qurylysyna atsalysýǵa degen qyzyǵýshylyǵy artady.
