وقۋ-اعارتۋ ءمينيسترى جۇلدىز سۇلەيمەنوۆا ءبىلىم بەرۋ باعدارلاماسىنا ەنگىزىلەتىن وزگەرىستەر تۋرالى مالىمدەدى. بۇل تۋرالى ول اتىراۋ وبلىسىنا جۇمىس ساپارى بارىسىندا ايتتى، دەپ حابارلايدى Dalanews.kz.

باس پەداگوگ جاراتىلىستانۋ-ماتەماتيكا باعىتىنداعى پاندەردىڭ ساعاتتارى مەن مازمۇنى قايتا قارالىپ، باستاۋىش سىنىپ باعدارلاماسىنا وزگەرىستەر ەنگىزىلەتىنىن جەتكىزدى.

ودان بولەك، 5-7-سىنىپتارعا كونستيتۋسيا نەگىزدەرى، 8-9-سىنىپتارعا زاڭ جانە ءتارتىپ پاندەرىن ەنگىزۋ، ال 10-11-سىنىپتاردا قۇقىق نەگىزدەرىن وقىتۋدى مىندەتتەۋ جوسپارلانىپ وتىر.

جۇلدىز سۇلەيمەنوۆا وقۋشىلاردىڭ ءبىلىم دەڭگەيىن باعالاۋ، ساۋاتىن ارتتىرۋ ماقساتىندا مازمۇنداما، شىعارما، ديكتانت جازۋ قايتا ەنگىزىلەتىنىن دە ايتتى.

ەسكە سالايىق، بۇعان دەيىن پەداگوگتەردى اتتەستاسيالاۋ جۇيەسى تۇبەگەيلى وزگەرەتىنىن جازدىق.