بۇل رەتتە قىزمەتكەرلەردٸڭ جاۋاپكەرشٸلٸگٸ, دەربەستٸگٸ, تەجٸريبەسٸ, ارنايى بٸلٸمٸ, جٷكتەمەسٸ سەكٸلدٸ فاكتورلار ەسكەرٸلٸپ, جالاقى تاعايىندالادى. بۇل تۋرالى بٷگٸن تٷركٸستان وبلىستىق ٶڭٸرلٸك كوممۋنيكاتسييالار قىزمەتٸندە ٶتكەن بريفينگتە قر مەملەكەتتٸك قىزمەت ٸستەرٸ جەنە سىبايلاس جەمقورلىققا قارسى ٸس-قيمىل اگەنتتٸگٸنٸڭ تٷركٸستان وبلىسى بويىنشا دەپارتامەنتٸنٸڭ باسشىسى عالىم تۇرسىنباەۆ مەلٸم ەتتٸ.
ونىڭ ايتۋىنشا, اتالعان جٷيە مەملەكەتتٸك قىزمەتشٸلەردٸڭ ٶز ٸستەرٸنە ٷلكەن جاۋاپكەرشٸلٸكپەن قاراپ, ساپالى جۇمىس ٸستەۋٸنە جەتەلەيدٸ. بۇعان قوسا, جىل سوڭىندا جۇمىس نەتيجەسٸنٸڭ تيٸمدٸلٸگٸنە سەيكەس قوسىمشا بونۋستار بەرٸلمەك.
جاڭا جٷيەنٸڭ ەنگٸزٸلۋٸنٸڭ تاعى ماڭىزدى اسپەكتٸسٸ اۋماقتار مەن ورتالىق قىزمەتكەرلەرٸنٸڭ ەڭبەكاقىلارىنىڭ سەيكەسسٸزدٸگٸنٸڭ ازايۋى. ەڭبەكاقىلار اراسىندا ايىرماشىلىق 70 پايىزدان 10 پايىزعا دەيٸن كەمٸگەن. بۇل اۋماقتاردان كادرلاردىڭ جاپپاي كەتۋٸن ازايتىپ, جەرگٸلٸكتٸ مەملەكەتتٸك اپپاراتتىڭ تۇراقتىلىعىن قامتاماسىز ەتٸپ, كادرلىق بەلسەندٸلٸكتٸ كٷشەيتٸپ وتىر.
سونىمەن قاتار, اگەنتتٸكتٸڭ تٷركٸستان وبلىسى بويىنشا دەپارتامەنتٸ قىزمەتشٸلەرٸنٸڭ جالاقىسى دا 2,5 ەسەگە دەيٸن ۇلعايدى. نەتيجەسٸندە دەپارتامەنتتە ٶتكەن كونكۋرستا جەتەكشٸ مامانعا جارييالانعان بٸر ورىنعا 39 ادام قۇجات تاپسىرعان. جالپى, ەڭبەكاقى تٶلەۋدٸڭ جاڭا جٷيەسٸنٸڭ ەنگٸزٸلۋٸ بٸرٸنشٸ كەزەكتە مەملەكەتتٸك ورگانداردىڭ ٸشكٸ رەزەرۆتەرٸنٸڭ قۇرىلۋىن قامتيدى.
تٷركٸستان وبلىسى ەكٸمٸنٸڭ باسپاسٶز قىزمەتٸ
