Jańa júie memlekettik apparatty turaqtandyryp, kadrlyq belsendilikti kúsheitti: 25 qyrkúıek 2018

Elbasymyzdyń «100 naqty qadam» Ult josparyndaǵy tiisti qadamdardy júzege asyrý sheńberinde memlekettik qyzmetkerlerge jalaqy faktorlyq-baldyq shkala boiynsha tólenetin bolady.

Bul rette qyzmetkerlerdiń jaýapkershiligi, derbestigi, tájiribesi, arnaiy bilimi, júktemesi sekildi faktorlar eskerilip, jalaqy taǵaiyndalady. Bul týraly búgin Túrkistan oblystyq óńirlik kommýnikatsiialar qyzmetinde ótken brifingte QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysy boiynsha departamentiniń basshysy Ǵalym Tursynbaev málim etti.

Onyń aitýynsha, atalǵan júie memlekettik qyzmetshilerdiń óz isterine úlken jaýapkershilikpen qarap, sapaly jumys isteýine jeteleidi. Buǵan qosa, jyl sońynda jumys nátijesiniń tiimdiligine sáikes qosymsha bonýstar berilmek.

– Buǵan deiin ortalyq jáne aýdan deńgeiindegi memlekettik qyzmetshilerdiń, sondai-aq, memlekettik jáne jeke sektorlarda qyzmetshige eńbekaqy tóleýde teńsizdik boldy. Eńbekaqy tóleýdiń jańa júiesi anyqtalǵan máselelerdi joiady. Bul júie faktorly-baldyq shkala negizindegi turaqty bólik pen bonýstardan turady. Mundai júieler AQSh, Singapýr, Jańa Zelandiia syndy ozyq elderde jáne de BUU, Dúniejúzilik pen Aziialyq damý bankterinde qoldanylady. Qazaqstanda osy ádisteme birqatar jeke jáne kvazimemlekettik sektorlar engizilgen, – dedi Ǵalym Sultanuly.

Jańa júieniń engizilýiniń taǵy mańyzdy aspektisi aýmaqtar men ortalyq qyzmetkerleriniń eńbekaqylarynyń sáikessizdiginiń azaiýy. Eńbekaqylar arasynda aiyrmashylyq 70 paiyzdan 10 paiyzǵa deiin kemigen. Bul aýmaqtardan kadrlardyń jappai ketýin azaityp, jergilikti memlekettik apparattyń turaqtylyǵyn qamtamasyz etip, kadrlyq belsendilikti kúsheitip otyr.

Sonymen qatar, Agenttiktiń Túrkistan oblysy boiynsha departamenti qyzmetshileriniń jalaqysy da 2,5 esege deiin ulǵaidy. Nátijesinde Departamentte ótken konkýrsta jetekshi mamanǵa jariialanǵan bir orynǵa 39 adam qujat tapsyrǵan. Jalpy, eńbekaqy tóleýdiń jańa júiesiniń engizilýi birinshi kezekte memlekettik organdardyń ishki rezervteriniń qurylýyn qamtidy.

Túrkistan oblysy ákiminiń baspasóz qyzmeti

Jańa júie memlekettik apparatty turaqtandyryp, kadrlyq belsendilikti kúsheitti

Oqi otyryńyz

Oblys ákimi Nariman Tóreǵaliev memlekettik Tý kóterý rásimine qatysty

Oralda 150 páterlik turǵyn úi paidalanýǵa berildi

Jetisý oblysynda bir mezette 35 Memlekettik Tý kóterildi