وبلىستىق جاستار ساياساتى ماسەلەلەرى جونىندەگى باسقارما باسشىسىنىڭ مىندەتىن اتقارۋشى داۋرەن الدابەرگەنوۆتىڭ ايتۋىنشا، قازىرگى كەزدە وبلىس بويىنشا پيلوتتىق جوبا رەتىندە «باقىت» جاس وتباسىلاردى قولداۋ كلۋبى جۇمىس ىستەيدى. 2018 جىلدىڭ قازان-جەلتوقسان ايلارىندا كلۋب جۇمىسىنىڭ ارقاسىندا 23 نەكە بۇزىلماي ساقتالىپ قالعان. وبلىستىڭ ءاربىر قالاسى مەن اۋداندارىنا پسيحولوگ شتاتىن ءبولۋ بۇل جۇمىستى ودان ءارى كۇشەيتىپ، جاس وتباسىلاردىڭ اجىراسۋىن ازايتۋعا مۇمكىندىك بەرمەك.
وبلىس اكىمى اماندىق باتالوۆ بۇل ماڭىزدى جوبانىڭ جۇزەگە اسىرىلۋىنا قاجەتتى قولداۋلار كورسەتىلەتىنىن ايتتى. «مىقتى وتباسى – مەملەكەتتىڭ گۇلدەنۋىنىڭ باستى كەپىلى، سوندىقتان جاس وتباسىلارعا قالىپتاسۋ كەزەڭدەرىندە بارىنشا قولداۋ كورسەتىلۋى ءتيىس»، – دەدى ول.
الماتى وبلىسى اكىمىنىڭ باسپا ءسوز قىزمەتى
