جيىنعا ءبىلىم جانە عىلىم ءمينيسترى ا. ايماعامبەتوۆ قاتىستى.
- مەملەكەت باسشىسىنىڭ تامىز كونفەرەنسياسىندا بەرگەن تاپسىرماسى اياسىندا الداعى ءتورت جىل ىشىندە مۇعالىمدەردىڭ جالاقىسى ەكى ەسەگە ارتادى. بۇل – كەلەسى جىلدان باستاپ پەداگوگتەردىڭ جالاقىسى 25%-عا كوبەيەدى دەگەن ءسوز، - دەدى ءوز سوزىندە ا. ايماعامبەتوۆ.
ەلىمىزدىڭ باس ءمۇعالىمىنىڭ ايتۋىنشا، زاڭ جوباسىندا مۇعالىمدەردىڭ ءوز قۇزىرەتىن ارتتىرۋعا باعىتتالعان ماتەريالدىق ىنتالاندىرۋ نورمالارى دا قاراستىرىلعان.
مەكتەپتەردە پەداگوگ قىزمەتكەرلەردىڭ ساپالى الەۋەتىن ارتتىرۋدى ىنتالاندىرۋ ماقساتىندا ماگيستر دارەجەسى بار تۇلعالار ءۇشىن 10 اەك مولشەرىندە قوسىمشا اقى كوزدەلەدى. جالپى زاڭ جوباسى شەڭبەرىندە مارتەبەنى ارتتىرۋ جونىندەگى جاڭاشىلدىقتار بارلىق مۇعالىمدەرگە اسەر ەتەتىنىن اتاپ وتكەن ءجون.
