Jıynǵa bilim jáne ǵylym mınıstri A. Aımaǵambetov qatysty.
- Memleket basshysynyń tamyz konferensıasynda bergen tapsyrmasy aıasynda aldaǵy tórt jyl ishinde muǵalimderdiń jalaqysy eki esege artady. Bul – kelesi jyldan bastap pedagogterdiń jalaqysy 25%-ǵa kóbeıedi degen sóz, - dedi óz sózinde A. Aımaǵambetov.
Elimizdiń bas muǵaliminiń aıtýynsha, Zań jobasynda muǵalimderdiń óz quzyretin arttyrýǵa baǵyttalǵan materıaldyq yntalandyrý normalary da qarastyrylǵan.
Mektepterde pedagog qyzmetkerlerdiń sapaly áleýetin arttyrýdy yntalandyrý maqsatynda magıstr dárejesi bar tulǵalar úshin 10 AEK mólsherinde qosymsha aqy kózdeledi. Jalpy Zań jobasy sheńberinde mártebeni arttyrý jónindegi jańashyldyqtar barlyq muǵalimderge áser etetinin atap ótken jón.
