جامبىل وبلىسىندا بٸر ايالداماعا 16,8 ملن تەڭگە بٶلٸندٸ دەگەن اقپاراتتان كەيٸن, جۋالى اۋدانى ب.مومىشۇلى اۋىلىنىڭ ەكٸمٸ بۇل قارجىنىڭ ناقتى نەگە جۇمسالاتىنىن تٷسٸندٸردٸ, دەپ حابارلايدى Dalanews.kz.
اۋىل ەكٸمٸ راتبەك كٷسەمباەۆتىڭ ايتۋىنشا, اتالعان جوبا بٸر عانا ايالداماعا ەمەس, ەلدٸ مەكەن ٸشٸندەگٸ بٸرنەشە نىساندى قامتيدى.
ونىڭ سٶزٸنشە, بۇل جاعداي جۋالى اۋدانىنا قاراستى باۋىرجان مومىشۇلى اۋىلىندا ورىن العان. اۋىل اۋدان ورتالىعى بولعاندىقتان, تۇرعىندارعا قولايلى جاعداي جاساۋ ماقساتىندا ەلدٸ مەكەن ٸشٸندە بٸرنەشە ايالداما سالۋ جوسپارلانعان.
"تۇرعىنداردىڭ ىڭعايى ٷشٸن 33 اۆتوبۋس ايالداماسى مەن 33 قوقىس جەشٸگٸن ورناتۋ قاراستىرىلعان",- دەدٸ ەكٸم.
سونىمەن قاتار ول بيىل قارجىلاندىرۋدىڭ شەكتەۋلٸ ەكەنٸن اتاپ ٶتتٸ.
"قارجى تاپشىلىعىنا بايلانىستى جۇمىستار تٶرتٸنشٸ دەڭگەيلٸ بيۋدجەت قاراجاتى ەسەبٸنەن جٷرگٸزٸلٸپ جاتىر", - دەپ تٷسٸندٸردٸ ول.
ەكٸمنٸڭ ايتۋىنشا, اۋىل بيۋدجەتٸ قىمبات نىسانداردى ورناتۋعا مٷمكٸندٸك بەرمەيدٸ. سوندىقتان جەرگٸلٸكتٸ قوعامدىق كەڭەسپەن اقىلداسا وتىرىپ, قولجەتٸمدٸ نۇسقا تاڭدالعان.
"بٸزدٸڭ بيۋدجەت بٸر نىسانعا 4–5 ملن تەڭگە جۇمساۋعا مٷمكٸندٸك بەرمەيدٸ. وسىعان بايلانىستى اۋىل ەكٸمٸ قوعامدىق كەڭەسپەن كەڭەسە وتىرىپ, تيٸستٸ شەشٸم قابىلدادى", - دەدٸ كٷسەمباەۆ.
سونداي-اق بٸر ايالداما مەن وعان قوسا ورناتىلاتىن قوقىس جەشٸگٸنٸڭ ورتاشا قۇنى شامامەن 509 مىڭ تەڭگەنٸ قۇرايتىنىن ناقتىلادى.
ايتا كەتەيٸك, بۇعان دەيٸن جامبىل وبلىسىنداعى اۋىلداردىڭ بٸرٸندە ايالداما ورناتۋعا 16,8 ملن تەڭگە بٶلٸنگەنٸ تۋرالى جازعان ەدٸك.
