جامبىل وبلىسىندا تاعى دا جەر سىلكىندى، – دەپ حابارلايدى Dalanews.kz.
ەۋروپالىق جەرورتا تەڭىزى سەيسمولوگيالىق ورتالىعىنىڭ دەرەكتەرىنە سايكەس، ماگنيتۋداسى 5،0 بولاتىن جەر استى ءدۇمپۋى استانا ۋاقىتىمەن ساعات 15:56-دا جامبىل وبلىسىنداعى مەركە اۋىلىنان وڭتۇستىك-باتىسقا قاراي 20 شاقىرىم جەردە تىركەلدى.
الەۋمەتتىك جەلىلەردە تاراز قالاسىنىڭ تۇرعىندارى جەر سىلكىنىسىن سەزگەنى ايتىلدى.
ايتا كەتەيىك، بۇگىن تۇندە دە جامبىل وبلىسىنىڭ ءبىرقاتار اۋدانى مەن تاراز قالاسىندا جەر سىلكىنىسى تىركەلدى.
جەر استى ءدۇمپۋىنىڭ جوعارى قارقىنى 5 بالل بولدى، بۇل مەركى اۋدانىنداعى مەركى اۋىلىندا تىركەلدى.
ت.رىسقۇلوۆ اۋدانىنىڭ قۇلان اۋىلىندا جەر سىلكىنىسىنىڭ كۇشى 4 بالل، تاراز، شۋ قالالارىندا، قورداي، مويىنقۇم اۋداندارىندا 2 بالل بولدى.
"وبلىس اكىمىنىڭ تاپسىرماسىنا سايكەس جەدەل شتاب قۇرىلدى. وبلىس اكىمىنىڭ ورىنباسارى قاناتبەك مادىبەك ءتوراعالىق ەتكەن ونىڭ قۇرامىنا ازاماتتىق قورعاۋ قىزمەتىنىڭ، جەرگىلىكتى اتقارۋشى ورگانداردىڭ، ءتيىستى ۆەدومستۆولاردىڭ وكىلدەرى كىردى.زارداپ شەككەندەر تۋرالى اقپارات جوق. اۋداندارداعى نىساندار شتاتتىق رەجيمدە جۇمىس ىستەپ جاتىر"، - دەپ جازىلعان بۇعان دەيىنگى اكىمدىك حابارلاماسىندا.
