Jambyl oblysynda taǵy da jer silkindi, – dep habarlaıdy Dalanews.kz.
Eýropalyq Jerorta teńizi seısmologıalyq ortalyǵynyń derekterine sáıkes, magnıtýdasy 5,0 bolatyn jer asty dúmpýi Astana ýaqytymen saǵat 15:56-da Jambyl oblysyndaǵy Merke aýylynan ońtústik-batysqa qaraı 20 shaqyrym jerde tirkeldi.
Áleýmettik jelilerde Taraz qalasynyń turǵyndary jer silkinisin sezgeni aıtyldy.
Aıta keteıik, búgin túnde de Jambyl oblysynyń birqatar aýdany men Taraz qalasynda jer silkinisi tirkeldi.
Jer asty dúmpýiniń joǵary qarqyny 5 bal boldy, bul Merki aýdanyndaǵy Merki aýylynda tirkeldi.
T.Rysqulov aýdanynyń Qulan aýylynda jer silkinisiniń kúshi 4 bal, Taraz, Shý qalalarynda, Qordaı, Moıynqum aýdandarynda 2 bal boldy.
"Oblys ákiminiń tapsyrmasyna sáıkes jedel shtab quryldy. Oblys ákiminiń orynbasary Qanatbek Mádibek tóraǵalyq etken onyń quramyna azamattyq qorǵaý qyzmetiniń, jergilikti atqarýshy organdardyń, tıisti vedomstvolardyń ókilderi kirdi.Zardap shekkender týraly aqparat joq. Aýdandardaǵy nysandar shtattyq rejımde jumys istep jatyr", - dep jazylǵan buǵan deıingi ákimdik habarlamasynda.
