جامبىل وبلىسىنىڭ قورداي اۋدانىنداعى ستەپنوۆ اۋىلدىق وكرۋگٸنٸڭ شارۋالارى ەگٸس ناۋقانى قارساڭىندا سۋ تاپشىلىعىنا تاپ بولدى, دەپ حابارلايدى Dalanews.kz.
دايىن تۇرعان القاپتار مەن ساتىپ الىنعان تۇقىمعا قاراماستان, سۋ بولماۋى اۋىل شارۋاشىلىعى جۇمىستارى مەن بولاشاق ٶنٸمگە قاۋٸپ تٶندٸرٸپ وتىر.
نە بولدى?
كتك تەلەارناسىنىڭ مەلٸمەتٸنشە, «قازسۋشار» كەسٸپورنى شارۋالارمەن «وڭ جاق تارماق» كانالى ارقىلى سۋ بەرۋ جٶنٸندە كەلٸسٸمشارت جاساۋدان باس تارتقان. اۋىلداعى شارۋا قوجالىقتارى بۇل شەشٸمنٸڭ سەبەبٸ تٷسٸندٸرٸلمەگەنٸن ايتىپ, جاۋاپتى مەكەمەمەن كەلٸسسٶز جٷرگٸزە الماعاندارىن جەتكٸزدٸ.
«ۆوسحود» شارۋا قوجالىعىنىڭ ٶكٸلٸ نيكولاي چەرپاك شارۋالاردىڭ ماۋسىمعا الدىن الا قامدانعانىن ايتادى. ولار تۇقىم الىپ, جەردٸ ٶڭدەپ, تەحنيكاعا دەيٸن ليزينگكە رەسٸمدەگەن. الايدا سۋ تاپشىلىعى بٷكٸل ەڭبەكتٸ زايا كەتٸرۋٸ مٷمكٸن.
بيلٸك نە دەيدٸ?
شارۋالاردىڭ شاعىمىنان كەيٸن جاۋاپتى ورگاندار سۋ از قاجەت ەتەتٸن داقىلدارعا كٶشۋگە كەڭەس بەرگەن. بٸراق ديقاندار بۇل ۇسىنىس كەش ايتىلعانىن ايتادى. ٶيتكەنٸ ەگٸس ناۋقانى باستالىپ كەتكەن, ەندٸ داقىل تٷرٸن ٶزگەرتۋ مٷمكٸن ەمەس.
«رۋسلان» شارۋا قوجالىعىنىڭ ٶكٸلٸ باقتييار مۇساەۆتىڭ سٶزٸنشە, ۋاقىت ٶتٸپ كەتكەن, ال الداعى ەرەكەت قالاي بولاتىنى بەلگٸسٸز.
سۋ نەگە جەتٸسپەي جاتىر?
جامبىل وبلىسى سۋ قورىنىڭ شامامەن 80 پايىزىن كٶرشٸ قىرعىزستاننان الادى. بيىل سول جاقتان كەلەتٸن سۋ كٶلەمٸ ازايادى دەگەن بولجام بار.
«قازسۋشار» مەكەمەسٸنٸڭ وبلىستىق فيليالى ٶكٸلدەرٸنٸڭ ايتۋىنشا, سۋ تاپشىلىعى شامامەن مىڭعا جۋىق شارۋاشىلىققا ەسەر ەتۋٸ مٷمكٸن. ونىڭ ٸشٸندە بايزاق, تالاس جەنە جامبىل اۋداندارى دا بار. قورداي اۋدانىندا كەيبٸر شارۋالار بالاما كانالدار ارقىلى سۋ الۋى مٷمكٸن, بٸراق مۇنداي مٷمكٸندٸك بەرٸنە بٸردەي قاراستىرىلماعان.
قانشا سۋ قاجەت?
الدىن الا دەرەك بويىنشا, قىرعىزستانداعى ورتو-توكوي سۋ قويماسىندا بىلتىرمەن سالىستىرعاندا شامامەن 100 ملن تەكشە مەترگە از سۋ جينالعان. بيىل بٶلٸنەتٸن جالپى سۋ كٶلەمٸ 350 ملن تەكشە مەتر شاماسىندا. بۇل بارلىق ەگٸستٸككە تولىق جەتپەيدٸ.
قانداي سالدارى بولۋى مٷمكٸن?
ايماقتا نەگٸزٸنەن جٷگەرٸ مەن جوڭىشقا ٶسٸرٸلەدٸ. بۇل داقىلدار تۇراقتى سۋارۋدى قاجەت ەتەدٸ. سۋ تاپشىلىعى ولاردىڭ ٶنٸمدٸلٸگٸنە تٸكەلەي ەسەر ەتۋٸ مٷمكٸن.
جالپى, جامبىل وبلىسىنداعى سۋ مەسەلەسٸ جىل سايىن قايتالانىپ كەلەدٸ. ماماندار جاڭا سۋ قويمالارىن سالۋ جاعدايدى جەڭٸلدەتۋٸ مٷمكٸن ەكەنٸن ايتادى. الايدا بۇل جوبالار ەزٸرگە باستاپقى كەزەڭدە عانا.
