بۇل كۇنى اتالمىش بالالار ءۇيىنىڭ اۋلاسىنا 60-تان اسا الما مەن المۇرت كوشەتتەرىنىڭ جاس شىبىقتارى ەگىلدى. ءساتىن سالسا، ەكى – ءۇش جىلدا بۇل كوشەتتەر ءوز جەمىسىن بەرەتىن بولادى. سونداي-اق، وبلىسىمىزدىڭ بەلسەندى جاستارى مەن قالا تۇرعىندارى تاراز قالالىق №1 اۋرۋحاناسى ماڭىنا، تاۋكە حان كوشەسىنىڭ بويىنا ءتۇرلى ءساندى اعاش كوشەتتەرى مەن جەمىس-جيدەك كوشەتتەرىن وتىرعىزدى.
وبلىستىڭ بارلىق ەلدى مەكەندەرىندە جاپپاي وتكىزىلگەن كوكتەمنىڭ العاشقى سەنبىلىگىنە وبلىس جاستارى مەن قالا تۇرعىندارى جۇمىلدىرىلىپ، اينالانى كوگالداندىرۋعا، قالا، اۋدان، اۋىل ماڭدارىن، كوشەلەرىن تازارتۋعا، سپورتتىق كەشەندەر مەن وزەن جاعالاۋلارىن قالپىنا كەلتىرۋگە، ساياباقتار مەن قۇرىلىس الاڭدارىن تازارتۋعا اتسالىستى. وبلىس اكىمدىگىنىڭ جاستار ساياساتى ماسەلەلەرى باسقارماسى ۇيىمداستىرعان سەنبىلىككە وبلىس اكىمدىگىنىڭ باسشىلىعى، جوعارى جانە ورتا ارناۋلى وقۋ ورىندارىنىڭ ستۋدەنتتەرى، وبلىس تۇرعىندارى، مەكەمەلەر مەن كاسىپورىندار، بۇقارالىق اقپارات قۇرالدارىنىڭ وكىلدەرى قاتىستى.
جامبىل وبلىسى اكىمىنىڭ باسپا ءسوز قىزمەتى
