Jambyl oblysynda «Máńgilik el – Jasyl el!» atty oblystyq jastar senbiligi uıymdastyryldy. Sharaǵa aımaq basshysy Kárim Kókirekbaev arnaıy qatysyp, oblys ortalyǵyndaǵy №1 K.Sarymoldaev atyndaǵy balalar úıiniń aýlasyna jemis tal kóshetin otyrǵyzdy.

Bul kúni atalmysh balalar úıiniń aýlasyna 60-tan asa alma men almurt kóshetteriniń jas shybyqtary egildi. Sátin salsa, eki – úsh jylda bul kóshetter óz jemisin beretin bolady. Sondaı-aq, oblysymyzdyń belsendi jastary men qala turǵyndary Taraz qalalyq №1 aýrýhanasy mańyna, Táýke han kóshesiniń boıyna túrli sándi aǵash kóshetteri men jemis-jıdek kóshetterin otyrǵyzdy.

Oblystyń barlyq eldi mekenderinde jappaı ótkizilgen kóktemniń alǵashqy senbiligine oblys jastary men qala turǵyndary jumyldyrylyp, aınalany kógaldandyrýǵa, qala, aýdan, aýyl mańdaryn, kóshelerin tazartýǵa, sporttyq keshender men ózen jaǵalaýlaryn qalpyna keltirýge, saıabaqtar men qurylys alańdaryn tazartýǵa atsalysty. Oblys ákimdiginiń jastar saıasaty máseleleri basqarmasy uıymdastyrǵan senbilikke oblys ákimdiginiń basshylyǵy, joǵary jáne orta arnaýly oqý oryndarynyń stýdentteri, oblys turǵyndary, mekemeler men kásiporyndar, buqaralyq aqparat quraldarynyń ókilderi qatysty.

Jambyl oblysy ákiminiń baspasóz qyzmeti