جامبىل وبلىسىندا تۇرعىن ٷي مەن ەلەۋمەتتٸك جەڭٸلدٸكتەردٸ "كەزەكسٸز رەسٸمدەپ بەرەمٸز" دەگەن ۋەدەمەن جاسالعان كٶپەپيزودتى الاياقتىق ٸس بويىنشا سوت ٷكٸمٸ شىقتى. ٸس ماتەريالدارىنا سەيكەس, بٸرنەشە جىل بويى ازاماتتاردى الداپ كەلگەن ايدا جاناەۆا مەن ايمان اسقار كٸنەلٸ دەپ تانىلدى, دەپ حابارلايدى Dalanews.kz.
تەرگەۋ دەرەگٸنشە, ايىپتالۋشىلار 2019–2025 جىلدار ارالىعىندا قورداي اۋدانىندا جەنە الماتى قالاسىندا ازاماتتاردىڭ سەنٸمٸنە كٸرٸپ, مەملەكەتتەن بەرٸلەتٸن قايتارىمسىز باسپانا, مٷگەدەكتٸك رەسٸمدەۋ, بالاباقشا اشۋعا كٶمەكتەسۋ سەكٸلدٸ ۋەدەلەرمەن ٸرٸ كٶلەمدە قارجى جيناعان. الايدا ولاردىڭ مەملەكەتتٸك ورگانداردا ەشقانداي بايلانىسى بولماعانى جەنە ۋەدە ەتٸلگەن قىزمەتتەردٸ ورىنداۋعا مٷمكٸندٸگٸ جوق ەكەنٸ انىقتالعان. جينالعان قاراجات جەكە ماقساتتارعا جۇمسالعان.
ٸس بويىنشا كەمٸندە 10 ەپيزود تٸركەلٸپ, جەبٸرلەنۋشٸلەر اراسىندا كٶپبالالى وتباسىلار, ەلەۋمەتتٸك وسال توپ ٶكٸلدەرٸ مەن مٷگەدەك بالاسى بار ازاماتتار بار. الدىن الا ەسەپ بويىنشا كەلتٸرٸلگەن ماتەريالدىق شىعىن بٸرنەشە ونداعان ميلليون تەڭگەگە جەتكەن.
سوت ٷكٸمٸمەن ايدا جاناەۆا مەن ايمان اسقار قر قىلمىستىق كودەكسٸنٸڭ 190-بابىنىڭ 3-بٶلٸگٸ بويىنشا (الدىن الا سٶز بايلاسۋ ارقىلى, ٸرٸ مٶلشەردە جاسالعان الاياقتىق) كٸنەلٸ دەپ تانىلدى. ايدا جاناەۆا 4 جىل 6 ايعا, ايمان اسقار 4 جىلعا باس بوستاندىعىنان ايىرىلدى. الايدا 2025 جىلعى راقىمشىلىق تۋرالى زاڭعا سەيكەس, جازالارى قىسقارتىلىپ, تيٸسٸنشە 3 جىل جەنە 2 جىل 8 اي بولىپ بەلگٸلەندٸ.
سونىمەن قاتار سوت جەبٸرلەنۋشٸلەردٸڭ ازاماتتىق تالاپتارىن قاناعاتتاندىرىپ, ايىپتالۋشىلاردان ميلليونداعان تەڭگە كٶلەمٸندەگٸ ماتەريالدىق زالالدى ٶندٸرۋدٸ مٸندەتتەدٸ. ٷكٸم زاڭدى كٷشٸنە ەنگەننەن كەيٸن سوتتالعاندار پروباتسييالىق باقىلاۋعا الىنادى.
