جامبىل وبلىسىنىڭ پروكۋراتۋراسى 700 ملن تەڭگەدەن اسا بيۋدجەت قاراجاتىنىڭ نەگىزسىز جۇمسالۋىنىڭ الدىن الدى، - دەپ حابارلايدى Dalanews.kz.
قورداي اۋدانىنىڭ پروكۋراتۋراسى بيۋدجەت زاڭناماسى سالاسىندا جۇرگىزگەن تالداۋ ناتيجەسى بويىنشا اۋدان اكىمدىگى قىزمەتىندە زاڭبۇزۋشىلىقتاردى انىقتادى.
جەرگىلىكتى اتقارۋشى ورگان راستايتىن قاجەت قۇجاتتارسىز جانە نەگىزدەمەسىز بيۋدجەتتىڭ شىعىنىنا 700 ملن تەڭگەدەن اسا قاراجاتتى ەنگىزگەن.
مىسالى، اكىمدىك شىعىس باعاناسىنا سۋ قۇبىرى ليۋكتەرىن ورناتۋعا 67 ملن تەڭگە قاراجات قاراستىرعان. الايدا شىعىننىڭ وسى باعىتىنىڭ ەكونوميكالىق نەگىزدەمەسى ايقىندالماعان.
ناتيجەسىندە پروكۋرورلىق قاداعالاۋ اكتىسىمەن 700 ملن تەڭگەدەن اسا بيۋدجەت قاراجاتىنىڭ جۇمسالۋى الدىن الىندى.
زاڭبۇزۋشىلىقتارعا جول بەرگەنى ءۇشىن 6 لاۋازىمدى تۇلعا تارتىپتىك جاۋاپكەرشىلىككە تارتىلدى.
