جامبىل وبلىسىندا ادىلەت باسقارماسى باسشىسىنىڭ ورىنباسارى باۋىرجان شامعۇنوۆ پەن ونىڭ ورىنباسارى بەرىكبول بايۇزاقوۆقا قاتىستى قىلمىستىق ءىس سوتقا جولداندى، دەپ حابارلايدى Dalanews.kz.

تەرگەۋ دەرەگىنشە، شەنەۋنىكتەر جەكە سوت ورىنداۋشىلارىنان ليسەنزياسىنان ايىرماۋ ءۇشىن جۇيەلى تۇردە پارا الىپ وتىرعان. پارا كولەمى 100 مىڭ تەڭگەدەن باستالعان.

ۇلتتىق قاۋىپسىزدىك كوميتەتىنىڭ قىزمەتكەرلەرى كۇدىكتىلەردى شامامەن ءبىر اي بۇرىن ۇستاعان. تەرگەۋ كەزىندە ەكەۋى دە ءوز كىناسىن مويىنداعان.

قىلمىستىق ءىس جەدەلدەتىلگەن تارتىپپەن قارالادى. ەگەر كىنالارى دالەلدەنسە، شامعۇنوۆ پەن بايۇزاقوۆ 12 جىلعا دەيىن باس بوستاندىعىنان ايىرىلۋى مۇمكىن.

ايتا كەتەيىك، بۇعان دەيىن قوستانايدا رۋدنىي قالاسىنىڭ بۇرىنعى پروكۋرورى مۇرات ۋسپانوۆقا ۇكىم شىققان ەدى. ونى قۇرىلىس بولىمىندەگى تەكسەرۋلەردى توقتاتۋ ءۇشىن 20 ملن تەڭگە پارا الۋ ارەكەتىندە ايىپتاعان.

مۇرات ۋسپانوۆ ءوزىنىڭ كىناسىن مويىندادى، سوندىقتان ءىس قىسقارتىلعان تارتىپپەن قارالدى. ءۇش وتىرىستان كەيىن سوت ۇكىم شىعاردى.

رۋدنىي قالاسىنىڭ بۇرىنعى پروكۋرورى ورتا قاۋىپسىزدىگى بار كولونيادا 4،5 جىلعا باس بوستاندىعىنان ايىرىلدى جانە مەملەكەتتىك قىزمەتتە جۇمىس ىستەۋگە ءومىر بويىنا تىيىم سالىندى. سونىمەن قاتار، ول «قۇقىق جونىندەگى اعا كەڭەسشى» شەنىنەن ايىرىلدى.

وعان بەرىلگەن جازا مەرزىمى جۇمسارتاتىن جاعدايلارعا بايلانىستى ايتارلىقتاي قىسقارتىلدى – كامەلەتكە تولماعان بالالارىنىڭ بولۋى، وكىنۋى جانە كىناسىن مويىنداۋى.