جامبىل وبلىسىندا بۇرىنعى مەملەكەتتٸك كەسٸپورىننىڭ تٶراعاسى مەن بٸرنەشە قىزمەتكەرٸ اۋىل شارۋاشىلىعىنا بٶلٸنگەن 373 ميلليون تەڭگە سۋبسيدييانى جىمقىردى دەگەن ايىپپەن سوتتالدى. بۇل تۋرالى وبلىستىق سوتتاردىڭ بٸرٸككەن باسپاسٶز قىزمەتٸ مەلٸمدەدٸ, دەپ حابارلايدى Dalanews.kz.
قىلمىستىق ٸستٸ مەركٸ اۋداندىق سوتى قاراعان. پروكۋراتۋرا بۇل ٸستٸڭ نەگٸزگٸ فيگۋرانتتارىن 2023 جىلدىڭ اقپانىندا جارييا ەتكەن. ولار كۆازيمەملەكەتتٸك توو-نىڭ بۇرىنعى باسقارما تٶراعاسى مەن ونىڭ ورىنباسارى. ايتا كەتەرلٸگٸ, سول كەزدە كەلتٸرٸلگەن شىعىن سوماسى بۇدان ەلدەقايدا از كٶرسەتٸلگەن ەدٸ.
"سوتتالۋشىلار توو-نى باسقارا جٷرٸپ, قىزمەت بابىن پايدالانىپ, ٶزدەرٸنٸڭ ماتەريالدىق جاعدايىن جاقسارتۋ ماقساتىندا الاياقتىق جولمەن بيۋدجەت قارجىسىن ناقتىراق ايتقاندا, ٶسٸمدٸك شارۋاشىلىعى سالاسىندا ٶنٸم كٶلەمٸ مەن ساپاسىن ارتتىرۋعا ارنالعان سۋبسيدييانى جىمقىرعان", — دەلٸنگەن رەسمي حابارلامادا.
تەرگەۋ ماتەريالدارىنا سەيكەس, كەسٸپورىن باسشىسى مەن ونىڭ ورىنباسارى الما اعاشىنىڭ كٶشەتتەرٸن ساتىپ الۋعا قاتىستى كەلٸسٸمشارتتار جاساعان. الايدا ولاردىڭ تاپسىرماسىمەن قاراماعىنداعى قىزمەتكەرلەر كەلٸسٸمشارتتاردىڭ العاشقى بەتتەرٸن اۋىستىرىپ, ساتىپ الىناتىن كٶشەتتەردٸڭ سانىن بٸرنەشە ەسە كٶبەيتٸپ كٶرسەتكەن.
سوتتا توو باسشىلىعى ٶز كٸنەسٸن جارتىلاي مويىنداعانىمەن, كەلتٸرٸلگەن شىعىن سوماسىمەن كەلٸسپەيتٸنٸن, كٶرسەتٸلگەن سوما تىم جوعارى دەپ ەسەپتەيتٸنٸن ايتقان. ولار باس بوستاندىعىنان ايىرمايتىن جازا سۇراعان. ال بەس قىزمەتكەر كٸنەنٸ تولىق مويىنداعان.
نەتيجەسٸندە بۇرىنعى باسشى جەتٸ جىلعا, ال ونىڭ ورىنباسارى التى جىلعا باس بوستاندىعىنان ايىرىلدى. قالعان قىزمەتكەرلەرگە ٷش جىلدان بەس جىلعا دەيٸن بوستاندىعىن شەكتەۋ جازاسى تاعايىندالدى.
قازٸرگٸ تاڭدا سوت ٷكٸمٸ زاڭدى كٷشٸنە ەنگەن جوق.
