مەملەكەت باسشىسى نۇرسۇلتان نازاربايەۆ وتكەن جىلعى 5-قازانداعى حالىققا جولداۋىندا «قاراپايىم زاتتار ەكونوميكاسىن» قالىپتاستىرۋ بويىنشا تاپسىرما بەرىپ، حالقىمىزدىڭ ازىق-تۇلىگىن، كيىمى مەن باسقا دا كۇندەلىكتى تۇتىناتىن زاتتارىن ءوز ەلىمىزدە ءوندىرۋ كەرەكتىگىنە نازار اۋدارتقان بولاتىن. سول ارقىلى تۇرعىنداردى جۇمىسپەن قامتىپ، ونىڭ تۇرمىسىن جاقسارتۋدىڭ مول مۇمكىندىگى ايتىلعان.
وسىعان وراي بۇگىندە وبلىسىمىزدا ءتيىستى شارالار قولعا الىنۋدا. ونىڭ ماڭىزدىلىعىن ەسكەرگەن وبلىس اكىمى اسقار يسابەك ۇلى ءوڭىر ەكونوميكاسىن كوتەرۋدىڭ بىردەن-بىر تەتىگى رەتىندە وسى باعىتقا اسا باسىمدىق بەرىپ وتىر.
جيىندا ءوڭىر باسشىسى الدىمەن ءاربىر ەلدى مەكەندەرگە تالداۋ جۇرگىزىپ، الەۋەتىن انىقتاپ الۋ كەرەكتىگىن باسا ايتتى. ونىڭ ىشىندە اۋىل تۇرعىندارىنىڭ كوپ تۇتىناتىن ونىمدەرى مەن قاجەت ەتەتىن قىزمەت تۇرلەرىن زەردەلەپ، سوعان وراي ءوندىرىس ورىندارىن، شاعىن سەحتار، مونشا، شاشتاراز، تىگىن شەبەرحانالارىن اشۋدىڭ تيىمدىلىگىنە توقتالدى. ءتيىستى جوبالاردى اۋدان، اۋىلدىق وركۋگ اكىمدىكتەرىمەن بىرلەسە وتىرىپ، شىنايى مالىمەت نەگىزىندە عانا ازىرلەۋدى قاتاڭ ەسكەرتتى.
اسقار يسابەك ۇلى ەلدى مەكەندەردە شاعىن كاسىپورىندار اشۋ، كووپەراتيۆتەر قۇرۋ ارقىلى جاڭا تۇراقتى جۇمىس ورىندارىن قۇرۋعا، تۇرعىندار تۇتىناتىن ءونىمنىڭ وزىندىك قۇنىن تومەندەتۋ مۇمكىندىگىنە توقتالدى. جوبالاردى ىرىكتەۋدە قاجەتتى شيكىزات كوزى، مامانداردىڭ تاپشىلىعى، نەسيەلىك جاعدايلار دا نازاردان تىس قالماق ەمەس.
ايتا كەتەيىك، ەلباسى جولداۋىنداعى قاراپايىم زاتتار ەكونوميكاسىن دامىتۋ مىندەتى بويىنشا وبلىستا ناقتى جوسپار تۇزىلۋدە. ءتيىستى جوبالاردى انىقتاپ، بەكىتۋ ماسەلەلەرى كۇن سايىن قارالۋدا. الداعى ۋاقىتتا بەكىتىلگەن جوبالار بويىنشا اۋدان اكىمدەرىمەن جانە ءتيىستى تۇلعالارمەن ارنايى جيىن ءوتىپ، ناقتى تاپسىرمالار جۇكتەلەتىن بولادى.
جامبىل وبلىسى اكىمىنىڭ باسپا ءسوز قىزمەتى