پرەزيدەنت قاسىم-جومارت توقايەۆ ماڭىزدى زاڭعا قول قويدى، دەپ حابارلايدى Dalanews.kz.
بىرنەشە كۇن بۇرىن مەملەكەت باسشىسى "قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءقاۋىپسىز ەڭبەك جاعدايلارىن جەتىلدىرۋ، جۇمىسكەرلەردىڭ ەڭبەك قۇقىقتارىن قورعاۋ جانە الەۋمەتتىك قامسىزداندىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى.
وسى زاڭعا سايكەس مىناداي وزگەرىستەر بولادى:
- ەڭبەك قاتىناسىنىڭ بەلگىلەرى انىقتالسا، ازاماتتىق-قۇقىقتىق كەلىسىمشارت (گپح) راسىمدەۋگە جول بەرىلمەيدى.
- 14 جاسقا تولماعان بالالارى بار جالعىزباستى اتا-انالاردى جۇمىس بەرۋشى ءوز باستاماسىمەن جۇمىستان شىعارا المايدى، قىسقارتۋ كەزىندە دە بۇل تالاپ ساقتالادى.
- جازاتايىم وقيعا كەزىندە قىزمەتكەردىڭ كىنا دەڭگەيى 25%-دان اسپايدى.
- ەر ازاماتتاردىڭ دەكرەتتىك دەمالىسى زەينەتاقى ەسەپتەۋ بارىسىندا ەسكەرىلەدى.
ەسكە سالايىق، بۇعان دەيىن ءماجىلىس ءقاۋىپسىز ەڭبەك جاعدايىن كۇشەيتۋ جانە جۇمىسشىلاردىڭ قۇقىعىن قورعاۋعا باعىتتالعان زاڭ جوباسىن ءبىرىنشى وقىلىمدا ماقۇلداعان ەدى.
