قازاقستاندىق اۆتونارىقتاعى جەتەكشى برەندتەردىڭ ءبىرى JAC Motors اۆتوكولىك باعاسىن ايتارلىقتاي تومەندەتتى. ەندى قازاقستاندىقتار JAC ماركاسىن بۇرىنعىدان دا ءتيىمدى باعامەن ساتىپ الا الادى. اۆتوكولىكتىڭ ەڭ تومەنگى باعاسى – 7 490 000 تەڭگەدەن باستالادى، ال ساتىپ الۋشىلار ءۇشىن ەڭ ۇلكەن جەڭىلدىك كولەمى 2،6 ملن تەڭگەگە دەيىن جەتەدى، دەپ حابارلايدى Dalanews.kz.
JAC كومپانياسى قازاقستاندا ءوز مودەلدىك قاتارىن جۇيەلى تۇردە دامىتىپ كەلەدى. برەندتىڭ كولىكتەرى زاماناۋي ديزايندى، تەحنولوگيالىق جابدىقتالۋدى جانە سەنىمدىلىكتى ۇيلەستىرەدى. باعانىڭ تومەندەۋى ارقىلى كومپانيا كولىكتەرىن كەڭ اۋديتورياعا قولجەتىمدى ەتە وتىرىپ، ساپا مەن تيىمدىلىكتىڭ تەڭگەرىمىن ساقتاپ وتىر.
جاڭا پرايس-ليستكە سايكەس جەڭىلدىكتەر بارلىق مودەلگە قاراستىرىلعان:
- JAC J7 – ەڭ تانىمال ليفتبەك. باعاسى 8 890 000 تەڭگەدەن باستالادى، ۇنەم – 800 مىڭ تەڭگە. ال جەتىلدىرىلگەن J7 Plus نۇسقاسى 9 590 000 تەڭگەدەن قولجەتىمدى (باعاسى 1،1 ملن تەڭگەگە تومەندەتىلدى).
- JS4 كروسسوۆەرى – 7 990 000 تەڭگەدەن، جەڭىلدىك – 900 مىڭ تەڭگەگە دەيىن. ورتاشا كولەمدى JS6 ەڭ ءتيىمدى باعادا ۇسىنىلادى – 8 890 000 تەڭگە، ۇنەمدەۋ كولەمى رەكوردتىق 2،6 ملن تەڭگە.
- كەڭ وتباسىلارعا ارنالعان 7 ورىندى JS8 – 11 590 000 تەڭگەدەن باستاپ، جەڭىلدىك 1،5 ملن تەڭگەگە دەيىن. ال JS5 مودەلى 8 590 000 تەڭگەدەن ساتىلۋدا، باعاسى 2،1 ملن تەڭگەگە تومەندەدى.
- ەلەكتروموبيلدى تاڭداۋشىلار ءۇشىن EJ-7 قولجەتىمدى. باعاسى 12 290 000 تەڭگەدەن باستالادى، ۇنەمدەۋ – 700 مىڭ تەڭگە.
- ەڭ قولجەتىمدى ۇلگى – شاعىن كروسسوۆەر S3 Pro. ونىڭ باعاسى بار بولعانى 7 490 000 تەڭگە. بۇل مودەل سەنىمدىلىگىمەن دە تانىمال: ول 1 ملن شاقىرىمنان استام جولدى ەشقانداي كۇردەلى جوندەۋسىز ەڭسەرگەن.
سونىمەن قاتار ساتىلىمعا JAC كومپانياسىنىڭ جاڭا لوگوتيپى بار ۇلگىلەرى – J7، J7 Plus جانە JS8 شىقتى. بۇل برەندتىڭ جاڭارتىلعان فيرمالىق ءستيلىن بەينەلەيدى.
جاڭا ۇسىنىس اۆتونەسيە راسىمدەگەن جاعدايدا دا قولدانىلادى. ياعني قازاقستاندىقتار كولىكتى 2،6 ملن تەڭگەگە دەيىن ارزان باعامەن ساتىپ الا الادى.
"ءبىزدىڭ ماقساتىمىز – JAC كولىكتەرىن قازاقستانداعى تۇتىنۋشىلار ءۇشىن بارىنشا قولجەتىمدى ءارى تارتىمدى ەتۋ. جاڭارتىلعان باعا ساياساتى كليەنتتەرگە كەڭ مودەلدىك قاتاردان تاڭداۋ جاساۋعا مۇمكىندىك بەرەدى، ءارى ولار جايلىلىقتان، قاۋىپسىزدىكتەن جانە تەحنولوگيادان ۇتىلمايدى"، – دەيدى JAC Motors Qazaqstan ديستريبۋسيا ءبولىمىنىڭ ساتۋ جونىندەگى جەتەكشىسى شامۇحاجى دانيار.
جاڭارتىلعان باعالار ءتىزىمى JAC Motors Qazaqstan-نىڭ رەسمي سايتىندا قولجەتىمدى.
JAC تۋرالى
JAC Motors – 60 جىلدىق تاريحى بار قىتايلىق اۆتوكونسەرن. كومپانيا جىلىنا 1 ملن-نان استام كولىك شىعارادى، عىلىمي-زەرتتەۋ ورتالىقتارى قىتايدا، يتاليادا جانە جاپونيادا ورنالاسقان. برەند ونىمدەرى 120 ەلگە ەكسپورتتالادى، ال مودەلدىك قاتارىندا جەڭىل كولىكتەن باستاپ ەلەكتروبۋسقا دەيىنگى تولىق سپەكتر بار.
قازاقستان نارىعىنا JAC 2015 جىلى شىقتى. بۇگىندە برەند «Allur» كومپانيالار توبىنىڭ قۇرامىندا، وتاندىق زاۋىتتا تولىق سيكلدى ءوندىرىس جولعا قويىلعان. بۇل – ەلىمىزدەگى بارلىق اۆتوكولىك ءتۇرىن شىعاراتىن جالعىز كاسىپورىن.
