الدىمەن وبلىس اكىمى اۋىل ورتالىعىنداعى كوپقاباتتى تۇرعىن ۇيلەردىڭ اباتتاندىرۋ، كوگالداندىرۋ، تازالىق جۇمىستارىمەن تانىستى. بەلگىلى بولعانداي، اۋىل ورتالىعىنداعى ەكى قاباتتى ءبىرقاتار ۇيلەردىڭ قاس بەتتەرىن ارلەۋ، اكتەۋ، سىرلاۋ جۇمىستارى مۇلدەم جۇرگىزىلمەگەن. تازالىق جۇمىستارى دا سىن كوتەرمەيدى. اۋلا تۇرعىندارىمەن تىلدەسكەن ءوڭىر باسشىسى ءاربىر تۇرعىننىڭ جەكە جاۋاپكەرشىلىگىن دە ەستەرىنە سالدى.
«مىنا عيماراتتاردىڭ قازىرگى كورىنىسى وتە ناشار. اركىم ءوز اۋلاسىنداعى عيماراتتاردىڭ تازالىعىنا جاۋاپتى بولۋى كەرەك. ۇكىمەت گاز اكەلىپ بەرەدى، سۋ تارتىپ بەرەدى، قالعان جۇمىستاردى وزدەرىڭىز ىستەۋلەرىڭىز كەرەك. مىنا ۇيلەردىڭ جاعدايى سىن كوتەرمەيدى. ءبارىن رەتتەۋ كەرەك. مەن بۇل اۋىلدى جەكە باقىلاۋىما الامىن. اكىمدەردىڭ ۇيىمداستىرۋ جۇمىستارى وتە تومەن»، - دەدى جانسەيىت قانسەيت ۇلى.
مۇنان سوڭ، اكىم تۇتىنۋشىلار ۇيىندە ورنالاسقان شاشتاراز زالى مەن ازىق-تۇلىك دۇكەنىنىڭ جۇمىسىمەن تانىستى. ونداعى جاعداي سانيتارلىق تالاپقا ساي كەلمەيتىنىن كورىپ، بۇل جەرگىلىكتى بيلىكتىڭ كەمشىلىگى ەكەنىن اتاپ ءوتتى.
«ءبىز 21 عاسىردا ءومىر ءسۇرىپ جاتىرمىز. وركەنيەت دامىعان زاماندا شاشتارازدا سۋ بولماۋى قالاي؟ سانيتارلىق تالاپقا ساي بولۋ كەرەك. بۇل كەمشىلىكتەر اكىممەن تۇرعىندار اراسىندا بايلانىس جوقتىعىنان ورىن الىپ وتىر. مىنا جەردىڭ ءبارىن باقىلاۋعا قويامىن، قالاي ىستەيسىز سوعان بايلانىستى قورىتىندى شىعارامىن»، - دەدى اكىم.
بۇدان بىلاي وبلىس باسشىسى شىنايى جاعدايمەن تانىسۋ ءۇشىن اۋداندارعا ساپارى بارىسىندا جوسپاردان تىس نىساندارعا دا باراتىندىعىن ەسكەرتتى. ال بۇگىنگى كەمشىلىكتى قىسقا مەرزىمدە ورىنداۋ كەرەكتىگىن تاپسىرىپ، ارنايى تەكسەرەتىندىگىن جەتكىزدى.
وقو اكىمىنىڭ باسپا ءسوز قىزمەتى
