بۇگىن بۇل تۋرالى شىمكەنتتەگى بىرنەشە الەۋمەتتىك نىسانداعى قۇرىلىس جۇمىستارىنىڭ بارىسىمەن تانىسقان وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ءمالىم ەتتى.
ايماق باسشىسى ەڭ الدىمەن بوزارىق شاعىن اۋدانىنداعى 900 ورىندىق مەكتەپكە اتباسىن بۇردى. مۇنداعى قۇرىلىس جۇمىستارى مامىر ايىندا باستالعان بولاتىن. جوبانىڭ جالپى قۇنى 1 ملرد 200 ملن تەڭگەنى قۇرايدى. نىساننىڭ باس مەردىگەرى «تۇر-احمەت ي كومپانيا» جشس-گى قۇرىلىس – مونتاجداۋ جۇمىستارىنا جوعارى قارقىنمەن كىرىسىپ، مەكتەپتى 2018 جىلدىڭ ءساۋىر ايىندا ەل يگىلىگىنە بەرەمىز دەپ وتىر. الايدا وقۋ، سپورت جانە اسحانا بلوكتارىنىڭ جۇمىستارى وندىرىستىك كەستەدەن 20-30 كۇنگە كەشىگىپ جۇرگىزىلۋدە. وبلىس اكىمى قۇرىلىس جۇمىستارىن كەستەگە ساي جۇرگىزۋدى قاتاڭ تاپسىردى.
مۇنان سوڭ ءوڭىر باسشىسى بەكجان بازارى ماڭىنداعى جول ايرىعىنىڭ قۇرىلىسىنا ايالدادى. باس مەردىگەر – «جبي-س» كومپانياسى نىساندى 2018 جىلى پايدالانۋعا بەرمەك. جول ايرىقتىڭ جالپى قۇنى 1 ملرد 737 ملن تەڭگەنى قۇرايدى.
اكىم نازارىنان تەمىرلان تاس جولى – مانگەلدين كوشەلەرى قيىلىسىنداعى جەر ءۇستى وتكەلى مەن قوجانوۆ كوشەسىندەگى قۇرىلىس جۇمىستارى دا تىس قالعان جوق. مۇنداعى جوندەۋ جۇمىستارى 2015 جىلدىڭ 1 تامىز كۇنى باستالعان. جانسەيىت قانسەيىت ۇلى وتكەلدىڭ قۇرىلىسىنا قاجەتتى 51 ملن تەڭگەنى تەزدەتىپ ءبولىپ، جىل سوڭىنا دەيىن اياقتاۋدى تاپسىردى. ايتا كەتەيىك، مۇنداعى قۇرىلىس مونتاجداۋ جۇمىستارىنىڭ جالپى قۇنى 219 ملن تەڭگەنى قۇرايدى. مەردىگەر مەكەمە – «نۋركاز كونستراكشن» ج ش س.
وبلىس اكىمى كۇتپەگەن جەردەن بايدىبەك بي جانە قونايەۆ كوشەسىنىڭ قيىلىسىندا ورنالاسقان «قازبەك» امبەباپ بازارىنا سوقتى. ساۋداگەرلەرمەن تىلدەسكەن اكىم بازاردى جىل سوڭىنا دەيىن بوزارىق شاعىن اۋدانى ماڭىندا سالىنىپ جاتقان جاڭا بازارعا كوشىرۋدى تاپسىردى.
قالا ارالاۋ بارىسىندا وبلىس اكىمى بايتۇرسىنوۆ كوشەسىندەگى جىلۋ ماگيسترالدى قۇبىرلارىن الماستىرۋ بارىسىن دا كورىپ شىقتى. مەملەكەتتىك "نۇرلى جول" باعدارلاماسى اياسىندا بايتۇرسىنوۆ-ساپاربايەۆ-رىسقۇلوۆ كوشەلەرىندەگى ماگيسترالدى جىلۋ قۇبىرى اۋىستىرىلۋدا. بۇل ماقساتتا 888،4 ميلليون تەڭگە بولىنگەن. مەردىگەر - "سيتي-ستروي" ج ش س. جوندەلەتىن ۋچاسكەنىڭ جالپى ۇزىندىعى - 5،2 شاقىرىم. قازىرگى تاڭدا جۇمىس 4 شاقىرىمنان استام جەردە جۇرگىزىلگەن. ابدەن توزىعى جەتىپ، شىرىگەن قۇبىرلار قاپتالعان جاڭا قۇبىرعا اۋىستىرىلۋدا. ولار تات باسپايدى جانە جارىق پەن تەسىك پايدا بولعان جاعدايدا حابار بەرەتىن قۇرالمەن جابدىقتالعان.
«وبلىس ورتالىعىنداعى نەگىزگى ماسەلەلەردىڭ ءبىرى باسپانا. سوندىقتان قالا ورتالىعىندا كوپقاباتتى تۇرعىن ۇيلەردىڭ قۇرىلىسىن كوپتەپ جۇرگىزۋىمىز قاجەت. ەكىنشى ماسەلە – گازبەن قامتاماسىز ەتۋ. قازىرگى تاڭدا قالانىڭ 70 پايىزىن جەكە ءارى جەر ۇيلەر ورنالاسقاندىقتان ولاردىڭ ينفراقۇرىلىمدىق قاجەتتىلىكتەرمەن قامتاماسىز ەتۋ اسا كوپ شىعىندى تالاپ ەتىپ وتىر»،- دەدى جانسەيىت قانسەيىت ۇلى.
وبلىس باسشىسى اكىمشىلىك ىسكەرلىك ورتالىعىنداعى كوممۋنالدىق ارەندالىق تۇرعىن ۇيلەر مەن 1200 مەكتەپتىڭ قۇرىلىسىمەن دە تانىسىپ شىعىپ، اتقارىلعان شارۋالارعا وڭ باعاسىن بەردى.
مۇنان سوڭ وبلىس باسشىسى استانا داڭعىلىنىڭ قۇرىلىسى ءجۇرىپ جاتقان اۋماققا كەلدى. مۇنداعى قۇرىلىستىڭ ءبىرىنشى تارماعى بيىل اياقتالادى. ياعني، استانا داڭعىلى ارعىنبەكوۆ كوشەسىنە قوسىلۋى ءتيىس. ال كەلەسى جىلى قۇرىلىستىڭ ەكىنشى كەزەڭى جۇزەگە اسىرىلادى: ول كەزدە استانا داڭعىلى وتەگەنوۆ كوشەسىنە دەيىن سوزىلادى.
وقو اكىمىنىڭ باسپا ءسوز قىزمەتى
