قازىرگى كەزدە قازاقستاننىڭ اگروونەركاسىپ سەكتورى تۇراقتى دامۋ ۇستىندە. وڭتۇستىك ءوڭىرى اگرارلىق ايماق بولعاندىقتان، بۇل باعىتتا دا جاڭا تەحنولوگيالار ەنگىزۋ بويىنشا جۇمىستار جۇيەلى تۇردە اتقارىلىپ وتىر. بۇگىنگى تاڭدا وڭىردەگى اگرارلىق سەكتوردى يگەرۋ جانە يننوۆاسيالاردى ەنگىزۋ ەڭ ماڭىزدى ماسەلەلەردىڭ بىرىنە اينالۋدا. وسى جايتتارعا توقتالعان وبلىس اكىمى الداعى ۋاقىتتا ينتەنسيۆتى ب ا ق، تامشىلاتىپ سۋعارۋ، جىلىجاي كولەمىن ۇلعايتۋ باعىتتارىندا جاڭا تەحنولوگيالار ەنگىزۋ ارقىلى ونىمدىلىكتى ارتىرۋعا بولاتىنىن اتاپ ءوتتى.
– قازىرگى تاڭدا ساۋد اراۆيا، ءباا مەن يراك مەملەكەتتەرىنە قوي ەتىن ەكسپورتتاۋ بويىنشا الدىن-الا كەلىسىمدەر جاسالىپ وتىر. جالپى 2021 جىلعا اۋىل شارۋاشىلىعى تاۋارلارى ەكسپورتىن كەم دەگەندە 3 ەسەگە ارتتىرۋىمىز قاجەت. ق ر اۋىل شارۋاشىلىعى، ەڭبەك جانە الەۋمەتتىك قورعاۋ مينيسترلىكتەرى، وڭتۇستىك قازاقستان وبلىسى اكىمدىگى اراسىندا تۇزىلگەن ءۇشجاقتى ءىس-شارالار جوسپارىندا بەكىتىلگەن 75 ينديكاتورلىق كورسەتكىش 158 بىرلىككە نەمەسە 2،1 ەسەگە ورىندالدى. بيىلعى جىلى 3000-نان كەم ەمەس ءۇي شارۋاشىلىقتارىنان بىرىكتىرىلگەن 102 كووپەراتيۆ قۇراتىن بولامىز، – دەدى جانسەيىت قانسەيىت ۇلى.
بۇگىندە وبلىسىمىزداعى 21 مەكەمە وزدەرىنىڭ ازىق-تۇلىك ونىمدەرىن تۇراقتى تۇردە ەكسپورتقا شىعارىپ كەلەدى.
بۇدان بولەك، وبلىس بويىنشا 457 مىڭ گەكتار سۋارمالى جەرلەردى اعىن سۋمەن جالپى ۇزىندىعى 14 مىڭ شاقىرىمدى قۇرايتىن 2325 كانال قامتاماسىز ەتەدى. ونىڭ 9 مىڭ شاقىرىمى كوممۋنالدىق مەنشىكتەگى 1105 كانالدىڭ 4،6 مىڭ شاقىرىمى جوندەۋدى قاجەت ەتەدى. ءۇش جىل ىشىندە جوندەۋدى قاجەت ەتەتىن سۋ شارۋاشىلىعى قۇرىلىستارىنىڭ 50 پايىزى قالپىنا كەلتىرىلەدى.
وڭتۇستىك ءوڭىرى ءۇشىن باتىس ەۋروپا – باتىس جۇڭگو ترانزيتتىك جولى ەرەكشە ماڭىزعا يە. ينتەللەكتۋالدى كولىك جۇيەسىن ەنگىزۋ ماقساتىندا شىمكەنت قالاسى بويىنشا «سمارت سيتي» جوباسى شەڭبەرىندە قالاعا كىرە بەرىس جەتى جەردەن اۋىر سالماقتى جۇك كولىكتەرىن قاداعالاۋ ءۇشىن ارنايى تارازى مەن اركا قۇرۋ جوسپاردا بار.
وڭىرىمىزدە مەملەكەتتىك قولداۋدىڭ ارقاسىندا تۇرعىن ءۇي قۇرىلىسىنىڭ كولەمى دە جىل سايىن ارتىپ كەلەدى. 2017 جىلدىڭ باسىنان «نۇرلى جەر» تۇرعىن ءۇي قۇرىلىسى باعدارلاماسى اياسىندا 721،149 مىڭ شارشى مەتردى قۇرايتىن جالپى سانى 7500-گە جۋىق پاتەر بەرىلگەن.
ەلباسى ايتقان قازاقستاننىڭ كيەلى ورىندارىنىڭ كارتاسىنا وڭتۇستىك قازاقستان وبلىسىنان 35 نىسان قوسىلدى. «تۋعان جەر» باعدارلاماسىنىڭ اياسىندا جالپى قۇنى 31،5 ملرد. تەڭگەنى قۇرايتىن 577 جوبا قولعا الىنعان.
وبلىس اكىمى ج. تۇيمەبايەۆ وڭتۇستىكقازاقستاندىقتاردى ەلباسىمىزدىڭ باستامالارىن قولداپ، جولداۋىندا اتاپ كورسەتىلگەن ماسەلەلەردى ىسكە اسىرۋعا بەلسەندى قاتىسىپ، وبلىستىڭ الەۋمەتتىك-ەكونوميكالىق دامۋى مەن ساياسي تۇراقتىلىقتى قامتاماسىز ەتۋگە بار كۇش-قايراتتى جۇمساۋعا شاقىردى.
وقو اكىمىنىڭ باسپا ءسوز قىزمەتى
https://dalanews.kz/33427
