زەرگەرلىك بۇيىمداردى ۇرلاعانى ءۇشىن ىزدەۋدە جۇرگەن قازاقستاندىق ىستامبۇلدا ۇستالدى، دەپ حابارلايدى Dalanews.kz.
قازاقستان ءىىم ينتەرپول ۇلتتىق ورتالىق بيۋروسىنىڭ سۇراۋىمەن ىستامبۇلدا ق ر قك-نىڭ 188-بابىنىڭ 4-بولىگى (ۇرلىق) بويىنشا قىلمىس جاسادى دەگەن كۇدىكپەن حالىقارالىق ىزدەۋدە جۇرگەن 33 جاستاعى ايەل ۇستالدى.
"2021 جىلى جەلتوقساننان 2022 جىلعى ماۋسىمعا دەيىن استاناداعى زەرگەرلىك دۇكەندەردىڭ بىرىندە ساتۋشى بولىپ جۇمىس ىستەي ءجۇرىپ، ول جالپى قۇنى 156 ملن تەڭگەدەن اساتىن بۇيىمداردى ۇرلاپ كەتكەن. 27 قاراشادا تۇرىك قۇقىق قورعاۋ ورگاندارىنىڭ كومەگىمەن كۇدىكتى قازاقستانعا دەپورتاسيالانىپ، قاماۋعا الىندى"، - دەدى ءىىم وكىلى.
