بۇگىن «سيفرلى قازاقستان» مەملەكەتتىك باعدارلاماسى اياسىندا ءبىلىم بەرۋ ۇيىمدارىن سيفرلاندىرۋ جانە ق ر پرەزيدەنتى ن.ءا.نازاربايەۆتىڭ بيىلعى جولداۋىندا ايتىلعان سيفرلى تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە باعىتتالعان جوبالاردى ىسكە اسىرۋ ماقساتىندا ارىس قالاسىنىڭ ءبىلىم بولىمىنە قاراستى س.قوجانوۆ اتىنداعى جالپى ورتا ءبىلىم بەرەتىن مەكتەبىندە العاشقى ءىت سىنىبى اشىلدى.

ءىت سىنىبىنىڭ اشىلۋ سالتاناتىنا ارىس قالاسى اكىمىنىڭ ورىنباسارى ر.ايتبايەۆ، «نۇر وتان» پارتياسى ارىس قالالىق فيليالىنىڭ كونسۋلتانتى ع.قوشامانوۆ جانە ءبىلىم ءبولىمىنىڭ باسشىسى ءا.مۇسايەۆ قاتىستى.

س.قوجانوۆ اتىنداعى جالپى ورتا ءبىلىم بەرەتىن مەكتەبىنىڭ زاماناۋي ءىت سىنىبىندا 8-16 جاس ارالىعىنداعى بارلىق مەكتەپ وقۋشىلارى روبوتوتەحنيكا سالاسىن جانە باعدارلاۋ نەگىزدەرىنە ۇيرەنەتىن بولادى.

ءىت سىنىبىن جابدىقتاۋعا جەرگىلىكتى بيۋدجەتتەن 5 ملن تەڭگە قارجى جۇمسالدى. بۇل سىنىپتا وقۋشىلار اقپاراتتىق تەحنولوگيا سالاسىن مەڭگەرەدى. Web سايتتار اشىپ، روبوت قۇراستىرۋ جانە ونى باسقارۋ، 3D پرينتينگ جانە تاعى باسقا جەكە جوبالار جاساۋعا ۇيرەنەدى. ۇزدىكتەرى رەسپۋبليكالىق، حالىقارالىق ءىت بايقاۋلارعا قاتىسىپ، تىڭ يدەيالارىن دامىتۋعا مۇمكىندىك الادى.

«نۇر وتان» پارتياسىنىڭ مەملەكەتتىك جانە جەرگىلىكتى ورگاندارمەن بىرلەسۋى ارقاسىندا الداعى ءۇش جىلدا باعدارلامالاۋ مەن روبوتوتەحنيكا نەگىزدەرىن تەرەڭىرەك تەگىن وقىتاتىن ءىت-سىنىپتار اشىلاتىن بولادى.

 

ارىس قالاسى اكىمىنىڭ باسپا ءسوز قىزمەتى