ايتالىق, مارات احمەتجانوۆ باسقاراتىن قر ٸشكٸ ٸستەر مينيسترلٸگٸنىڭ بيىلعى بيۋدجەتٸ 504,3 ملرد تەڭگەنٸ قۇراعان. 2021 جىلى ٸشكٸ ٸستەر سالاسىنىڭ بيۋدجەتٸ 331,6 ملرد تەڭگەنٸ قۇراعان ەدٸ. وسىلايشا بيىل احمەتجانوۆ باسقاراتىن مينيسترلٸكتٸڭ بيۋدجەتٸ 172,7 ملرد تەڭگەگە ۇلعايعانىنان بايقاۋعا بولادى.
ال ەرمەك ساعىمباەۆ جەتەكشٸلٸك ەتەتٸن قر ۇلتتىق قاۋٸپسٸزدٸك كوميتەتٸنٸڭ بيىلعى بيۋدجەتٸ 424,6 ملرد تەڭگەگە جەتكەن. ٶتكەن جىلى قاۋٸپسٸزدٸ كوميتەتٸنە 352,6 ملرد تەڭگە قۇيىلعان بولاتىن. ال بيىل ۇقك-نٸڭ بيۋدجەتٸ 72 ملرد تەڭگە جوعارلادى.
سول سيياقتى بيىل قر باس پروكۋراتۋراسى 50,7 ملرد تەڭگە السا, ٶتكەن جىلى ولاردىڭ بيۋدجەتٸ 41,03 ملرد تەڭگەنٸ قۇرعان-دى. بيىل بەرٸك اسلوۆ باسقاراتىن ورگاننىڭ بيۋدجەتٸ 9,67 ملرد تەڭگەگە ۇلعايعان.
قاڭتار وقيعاسى كەزٸندە قر ٸشكٸ ٸستەر مينيسترلٸگٸ ماتەريالدىق تۇرعىدان قاتتى جاپا شەككەنٸ انىق. وقيعا كەزٸندە تەرتٸپ ساقشىلارىنىڭ عيماراتتارى مەن قىزمەتتٸك كٶلٸكتەرٸ قاتتى بٷلٸندٸ. سول سەبەپتٸ اتالمىش مينيسترلٸكتٸڭ بيۋدجەتٸنٸڭ ۇلعايۋىن تٷسٸنۋگە بولادى.
ال ۇقك جايىندا ولاي دەپ ايتا الماسىڭ انىق. ولار قاڭتار وقيعاسى كەزٸندە قاتتى جاپا شەكتٸ دەپ ايتۋ قيىن. دەسەك تە, قاڭتار وقيعاسىنان كەيٸن سالانى قايتا قۇرىلىمداۋ كٷن تەرتٸبٸنە شىققانى بەلگٸلٸ. ونىڭ ٷستٸندەگٸ اينالامىزدا ورىن الىپ جاتقان كٷردەلٸ احۋالدار دا ۇقك جاڭا مٸندەتتەر قويىپ وتىرعانى بەلگٸلٸ. سوندىقتان قاۋٸپسٸزدٸك سالاسىنا قوماقتى قارجى بٶلٸنگەنٸن تٷسٸنۋگە بولادى. ەڭ باستىسى وسى قىرۋار قارجى جەمقورلاردىڭ جەمساۋىنا تٷسٸپ كەتپەسە بولعانى.
