Aitalyq, Marat Ahmetjanov basqaratyn QR Ishki ister ministrliginyń biylǵy biýdjeti 504,3 mlrd teńgeni quraǵan. 2021 jyly ishki ister salasynyń biýdjeti 331,6 mlrd teńgeni quraǵan edi. Osylaisha biyl Ahmetjanov basqaratyn ministrliktiń biýdjeti 172,7 mlrd teńgege ulǵaiǵanynan baiqaýǵa bolady.
Al Ermek Saǵymbaev jetekshilik etetin QR Ulttyq qaýipsizdik komitetiniń biylǵy biýdjeti 424,6 mlrd teńgege jetken. Ótken jyly qaýipsizdi komitetine 352,6 mlrd teńge quiylǵan bolatyn. Al biyl UQK-niń biýdjeti 72 mlrd teńge joǵarlady.
Sol siiaqty biyl QR Bas prokýratýrasy 50,7 mlrd teńge alsa, ótken jyly olardyń biýdjeti 41,03 mlrd teńgeni qurǵan-dy. Biyl Berik Aslov basqaratyn organnyń biýdjeti 9,67 mlrd teńgege ulǵaiǵan.
Qańtar oqiǵasy kezinde QR Ishki ister ministrligi materialdyq turǵydan qatty japa shekkeni anyq. Oqiǵa kezinde tártip saqshylarynyń ǵimarattary men qyzmettik kólikteri qatty búlindi. Sol sebepti atalmysh ministrliktiń biýdjetiniń ulǵaiýyn túsinýge bolady.
Al UQK jaiynda olai dep aita almasyń anyq. Olar Qańtar oqiǵasy kezinde qatty japa shekti dep aitý qiyn. Desek te, Qańtar oqiǵasynan keiin salany qaita qurylymdaý kún tártibine shyqqany belgili. Onyń ústindegi ainalamyzda oryn alyp jatqan kúrdeli ahýaldar da UQK jańa mindetter qoiyp otyrǵany belgili. Sondyqtan qaýipsizdik salasyna qomaqty qarjy bólingenin túsinýge bolady. Eń bastysy osy qyrýar qarjy jemqorlardyń jemsaýyna túsip ketpese bolǵany.
