وسى اپتادا كەرٸ بايلانىس ورنادى. ٸشكٸ ٸستەر مينيسترلٸگٸ ٶتە «جۇمساق» تەسٸلمەن جاۋاپ قايتارىپتى. «ٶگٸزدٸ دە ٶلتٸرمەي, اربانى دا سىندىرماي» بەرگەن جاۋاپ حاتتىڭ مازمۇنىنان تٷسٸنگەنٸمٸز, تاتيانا پودشيبياكينانىڭ قوس ازاماتتىعى تۋرالى مەسەلە بٸرەۋدٸڭ جەكە باسىنىڭ قۇپيياسى سانالادى ەكەن.
ونى جارييالاۋ زاڭ بويىنشا تىيىم سالىناتىن كٶرٸنەدٸ. سوندىقتان, پودشيبياكينا تۋرالى اقپاراتتى بٸزگە بەرە المايتىندارىن ايتىپتى. شىعارىپ سالما جاۋاپتىڭ تولىق مازمۇنى تٶمەندەگٸدەي:
«دەربەس دەرەكتەر جەنە ولاردى قورعاۋ تۋرالى» زاڭعا سەيكەس دەربەس دەرەكتەردٸ تاراتۋ سۋبەكتٸنٸڭ (دەربەس دەرەكتەرگە جاتاتىن جەكە تۇلعانىڭ) نەمەسە ونىڭ زاڭدى ٶكٸلٸنٸڭ كەلٸسٸمٸمەن, سونداي-اق «سەيكەستەندٸرۋ نٶمٸرلەرٸنٸڭ ۇلتتىق تٸزٸمدەرٸ», قازاقستان رەسپۋبليكاسى زاڭىنىڭ 11-بابىنىڭ 2-تارماعىنا سەيكەس تۇلعاعا قاتىستى اقپاراتتى جەكە تۇلعانىڭ جازباشا كەلٸسٸمٸنسٸز باسقا ادامعا بەرۋگە بولمايدى.
تيەسٸلٸگٸ نەمەسە ازاماتتىعى جوقتىعى تۋرالى مەلٸمەتتەر قولجەتٸمدٸلٸگٸ شەكتەۋلٸ دەرەكتەر جاتادى, وسىعان بايلانىستى سۇراتىلعان ادامعا قاتىستى اقپارات ونىڭ نەمەسە زاڭدى ٶكٸلٸنٸڭ كەلٸسٸمٸمەن بەرٸلۋٸ مٷمكٸن.
سونىمەن قاتار, سٸزدٸڭ ساۋالىڭىزدا كٶرسەتٸلگەن ادامعا قاتىستى جامبىل وبلىسى پوليتسييا دەپارتامەنتٸ كٶشٸ-قون قىزمەتٸ باسقارماسىنىڭ قىزمەتكەرلەرٸ شەت مەملەكەتتٸڭ ازاماتتىعىن انىقتاۋ بويىنشا بارلىق شارالاردى قابىلداعانىن حابارلايمىز.
بۇل رەتتە, قازاقستان رەسپۋبليكاسىنىڭ ازاماتتارىندا شەت مەملەكەت ازاماتتىعىنىڭ بار ەكەندٸگٸ راستالعان كەزدە ولارعا قاتىستى زاڭناماعا سەيكەس شارالار قابىلدانادى, ونىڭ ٸشٸندە قازاقستان رەسپۋبليكاسىنىڭ ازاماتتىعىنان ايىرىلۋىن تٸركەۋ جٷرگٸزٸلەدٸ.
ورىس اعىنى ەلٸ دە ٶزەكتٸ. جىل باسىنان بەرٸ قانشا رەسەي ازاماتىنا جسن بەرٸلدٸ? قانشاسى قازاقستان ازاماتتىعىن الدى? رەسمي اقپاراتتاردا ايتىلىپ جٷرگەندەي, ەلٸمٸزگە كەلگەن 1,6 ميلليون رەسەيلٸكتٸڭ قانشاسىندا قوس ازاماتتىق بار?
قوس ازاماتتىق – دەل قازٸر كٷن تەرتٸبٸندەگٸ ەڭ ٶزەكتٸ مەسەلە. سوندىقتان, Dalanews.kz سايتى بۇل مەسەلەنٸ ٷنەمٸ نازاردا ۇستايدى. تاقىرىپتى قوعام تالقىسىنا تاستاپ, مەملەكەتتٸڭ ٸشكٸ تۇراقتىلىعىنا سىزات تٷسٸرەتٸن وسىنداي باسسىزدىقتاردى بولدىرماۋ ٷشٸن قۇزىرلى مەكەمەلەردەن تاتيانا پودشيبياكينانىڭ قوس ازاماتتىعىنا قاتىستى مەسەلەگە اتٷستٸ قاراماۋلارىن سۇرايدى.
قازاقستان پرەزيدەنتٸ قاسىم-جومارت توقاەۆ جىل باسىندا ۇلتتىق قوعامدىق سەنٸم كەڭەسٸنٸڭ وتىرىسىندا قوس ازاماتتىعى بار ادامدارعا قاتاڭ جازا قولدانۋ كەرەكتٸگٸن ايتقان بولاتىن. سونداي-اق مەملەكەت باسشىسى ٶزٸنٸڭ جولداۋىندا دا ەكٸ مەملەكەتتٸڭ قۇجاتىمەن جٷرگەن مەملەكەتتٸك قىزمەتكەرلەر مەن مەكەمە باسشىلارىنا ەشقانداي كەشٸرٸم بولمايتىنىن ەسكەرتكەن بولاتىن. سوندا ٸشكٸ ٸستەر مينيسترلٸگٸ پرەزيدەنتتٸڭ بۇل ەسكەرتۋٸنە قۇلاق اسپاي وتىر ما?
بٸز تاتيانا پودشيبياكينانىڭ قوس ازاماتتىعىنىڭ بار-جوعىن انىقتاۋ تۋرالى ٸشكٸ ٸستەر مينيسترلٸگٸنە عانا ەمەس, قازاقستان كٶشٸ قون پوليتسيياسىنا, قازاقستان باس پروكۋراتۋراسىنا, قر ەڭبەك جەنە حالىقتى ەلەۋمەتتٸك قورعاۋ مينيسترٸ تامارا دٷيسەنوۆاعا جەنە جامبىل وبلىستىق پروكراتۋراعا, قورداي اۋداندىق پروكراتۋراعا دا دەل وسىنداي حات جٸبەرگەنبٸز. ولاردان ەشقانداي جاۋاپ حات كەلمەدٸ. اتى اتالعان مەكەمەلەردەن ەلٸ دە كٶڭٸلگە قونىمدى جاۋاپ كٷتەمٸز!
جاراس كەمەلجان
