اقتٶبەدە 16 ادام جاسٶسپٸرٸمدٸ ۇرىپ, توناپ كەتكەن, دەپ حابارلايدى Dalanews.kz.
"سەدموي كانال" مەلٸمەتٸنشە, كەمەلەتكە تولماعان جاسٶسپٸرٸم سوققىعا جىعىلعان.
"بالامدى ستۋدەنتتەر مەن جوعارى سىنىپ وقۋشىلارى جابىلىپ ۇرعان", - دەيدٸ جەبٸرلەنۋشٸنٸڭ اناسى.
وقيعا بىلتىر بولعان. بۇدان كەيٸن ەكٸ جٸگٸت "توناۋ" بابىمەن قىلمىستىق جاۋاپكەرشٸلٸككە تارتىلعان. قالعاندارى بۇزاقى رەتٸندە تەرگەلگەنٸمەن, ەشقانداي جازا بەرٸلمەگەن. سٶيتٸپ, ٸس جىلى جابىلعان. ول ازداي "بالا ەلٸ كٷنگە دەيٸن سولاردان قىسىم كٶرٸپ جٷر" دەيدٸ اناسى. ەيەل تٶبەلەستەن اۋىر جاراقات العان بالاسىن تولىق مەديتسينالىق كٶمەكپەن قامتي الماي وتىر.
العا قالاسىنىڭ تۇرعىنى ٶتەبيكە قۇرساۋباەۆا جارتى جىلدان بەرٸ ەدٸلدٸككە قول جەتكٸزە الماي جٷر. ونىڭ 17 جاستاعى ۇلى بىلتىر قاراشادا سوققىعا جىعىلىپ, ەكٸ اپتا اۋرۋحانادا جاتقان. اناسىنىڭ ايتۋىنشا, ونى 16 ادام جابىلىپ ۇرعان. ونىمەن قويماي, تەلەفونىنىڭ پارولٸن ايتۋعا مەجبٷرلەپ, بانك كارتاسىنان ٶز شوتىنا اقشا اۋدارىپ العان. بۇل ٸستەن كەيٸن ەكٸ ادام شارتتى تٷردە سوتتالعان. قالعان 14-ٸنە قاتىستى قىلمىستىق ٸس توقتاتىلعان.
"نەگە ەكەنٸن ەشكٸم تٷسٸندٸرمەيدٸ", - دەيدٸ جەبٸرلەنۋشٸ ەيەل.
ٶتەبيكە قۇرساۋباەۆانىڭ ٶزٸ II توپتاعى مٷگەدەك, ەپيلەپسييامەن اۋىرادى. بۇرىن ۇستاما كەزٸندە وعان بالاسى كٶمەكتەسٸپ جٷرگەن. "ەندٸ بالامدى دەرٸگەرگە اپارعان سايىن 20 مىڭ تەڭگە تاستاپ كەتەمٸن", - دەيدٸ ول.
ال پوليتسييا قالعان كٷدٸكتٸلەرگە قاتىستى ٸستٸڭ "قىلمىس قۇرامى جوق" دەپ توقتاتقان.
"2024 جىلى قاراشادا العا اۋداندىق پوليتسييا بٶلٸمٸ قاراقشىلىق بابىمەن قىلمىستىق ٸس قوزعاپ, تەرگەۋ جٷرگٸزدٸ. تەرگەۋ بٸتكەننەن كەيٸن سوتقا جٷگٸندٸ. ەكٸ كٷدٸكتٸ باس بوستاندىعىن شەكتەۋ بويىنشا سوتتالدى. تەرگەۋ بارىسىندا بٸرنەشە كٷدٸكتٸنٸڭ ٷستٸنەن قىلمىستىق ٸس قوزعالدى. بٸراق ولاردىڭ تاراپىنان قىلمىس قۇرامى بولماعاندىقتان, ٸس قىسقارتىلدى", - دەدٸ پد ٶكٸلٸ.
