ايتا كەتەيىك، «ىرىس» ميكرو قارجى ۇيىمى وسى ۋاقىتقا دەيىن جالپى سومماسى 28،5 ملرد. تەڭگەنى قۇرايتىن 15 956 جوباعا قولداۋ كورسەتكەن. ىرىستان قولداۋ تاپقان جوبالار اياسىندا 13 697 جاڭا جۇمىس ورنى اشىلدى. ال، 2017 جىلدىڭ 9 ايلىق كورسەتكىشى بويىنشا ۇيىم جالپى سومماسى 5 465، 300 مىڭ تەڭگەنى قۇرايتىن 2110 جوبانى قارجىلاندىردى.
اتاپ ايتقاندا «جۇمىسپەن قامتۋ 2020 جول كارتاسى» باعدارلاماسى بويىنشا 2 264،1 ملن. تەڭگەگە 851 جوبا، «كوكتەمگى ەگىن ەگۋ-جيناۋ» باعدارلاماسى بويىنشا 1 500،0 ملن. تەڭگەگە 880 جوبا، «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان باعدارلاماسى» اياسىندا 400 ملن. تەڭگەگە 108 جوبا، ال، مەكەمەنىڭ ءوز قاراجاتى ەسەبىنەن 1 298،2 ملن. تەڭگەگە 271 جوبا قارجىلاندىرىلعان.
سونىمەن قاتار وسى جىلى «ىرىس» مقۇ تاراپىنان 16 كووپەراتيۆ 287،3 ملن. تەڭگەگە قارجىلاندىرىلىپ وتىر. جالپى قارجى ورتالىعى بيىلعى جىلى 6 000 ملن. تەڭگەگە 2 300 جوبانى قارجىلاندىرۋدى جوسپارلاپ وتىر.
ال «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 – 2021 جىلدارعا ارنالعان باعدارلاماسى» اياسىندا 900 ملن. تەڭگە قاراجات تارتۋ بويىنشا جۇمىستار جۇرگىزىلىپ، جىل سوڭىنا دەيىن تولىق يگەرۋ جوسپارلانۋدا.
وقو اكىمىنىڭ باسپا ءسوز قىزمەتى
