الماتى وبلىسىندا ٸرٸ كٶلەمدە الاياقتىقپەن اينالىسقان كٷدٸكتٸ ۇستالدى, - دەپ حابارلايدى Dalanews.kz
الماتى وبلىسىندا پوليتسييا قىزمەتكەرلەرٸ الاياقتىق جاسادى دەپ كٷدٸكتەلگەن 32 جاستاعى ەيەلدٸ ۇستادى. پوليتسييانىڭ مەلٸمەتٸنشە, ٷش ميلليون تەڭگەگە زالال كەلتٸرٸلگەن, جامبىل اۋدانىنىڭ تۇرعىنى قىلمىستىق سحەمانىڭ قۇربانى بولعان.
الاياقتىق فاكتٸسٸ جامبىل اۋدانىنىڭ پوليتسيياسىندا تٸركەلدٸ, بارلىق قاجەتتٸ تەرگەۋ شارالارى جٷرگٸزٸلۋدە.
كٷدٸكتٸ نەسيە رەسٸمدەۋگە كٶمەك كٶرسەتەمٸن دەگەن سىلتاۋمەن جەبٸرلەنۋشٸ مەن ونىڭ جۇبايىنىڭ سەنٸمٸنٸنە كٸرٸپ, نەسيە رەسٸمدەۋگە مٷمكٸندٸك العان. وسىدان كەيٸن ول قولما-قول اقشامەن ٸز-تٷزسٸز جوعالىپ كەتتٸ.
وسىعان ۇقساس جاعداي تالعار اۋدانىندا دا تٸركەلدٸ, وندا بٸر ميلليون تەڭگە شىعىن كەلتٸرٸلدٸ. مۇندا قاسكٷنەم باسقا سحەمانى قولداندى, كٶلٸك ويناتتى.
قازٸرگٸ ۋاقىتتا 27 جاستاعى جەرگٸلٸكتٸ تۇرعىنعا قاتىستى قىلمىستىق ٸس قوزعالدى. تەرگەۋ جالعاسۋدا.
