يرانداعى سوعىس پەن جاھاندىق ساۋدا باعىتتارىنىڭ ٶزگەرۋٸ قازاقستاننىڭ تەمٸرجول ينفراقۇرىلىمىن دامىتۋ جوسپارىنا جاڭا سەرپٸن بەردٸ. ەۋروپا مەن قىتاي اراسىنداعى جٷك تاسىمالىنا سۇرانىس ارتىپ, قازاقستان ارقىلى ٶتەتٸن ترانزيتتٸك دەلٸزدەردٸڭ ماڭىزى كٷشەيٸپ وتىر, دەپ حابارلايدى dalanews.kz Bloomberg-كە سٸلتەمە جاساپ.
ەسٸرەسە, «ورتا دەلٸز» دەپ اتالاتىن ترانسكاسپيي حالىقارالىق باعىتىنا قىزىعۋشىلىق ارتقان. بۇل مارشرۋت قىتايدى قازاقستان, ەزەربايجان, گرۋزييا جەنە تٷركييا ارقىلى ەۋروپامەن بايلانىستىرادى. رەسەي اۋماعى ارقىلى ٶتەتٸن ترانزيت كٶلەمٸ ازايعاننان كەيٸن اتالعان دەلٸزدٸڭ جٷكتەمەسٸ بٸرنەشە ەسە ٶسٸپ, تاسىمال كٶلەمٸ تۇراقتى تٷردە ۇلعايىپ كەلەدٸ.
وسىعان بايلانىستى قازاقستان اۋقىمدى تەمٸرجول مودەرنيزاتسيياسىن قولعا الدى. ەلدە جاڭا تەمٸرجول جەلٸلەرٸ سالىنىپ, قولدانىستاعى باعىتتاردىڭ ٶتكٸزۋ قابٸلەتٸن 2030 جىلعا قاراي 100 ملن تونناعا دەيٸن جەتكٸزۋ جوسپارلانىپ وتىر.
ۇلتتىق تەمٸرجول وپەراتورى ينفراقۇرىلىمدى جاڭارتۋعا ميللياردتاعان دوللار ينۆەستيتسييا قۇيىپ جاتىر. سونىمەن قاتار اقش, فرانتسييا جەنە قىتايدان جاڭا لوكوموتيۆتەر ساتىپ الىنىپ, كاسپيي تەڭٸزٸ ارقىلى جٷك تاسىمالىن كٷشەيتۋ ٷشٸن جەكە تەڭٸز فلوتى دا دامىتىلۋدا. ساراپشىلار كاسپيي باعىتىن ورتا دەلٸزدٸڭ نەگٸزگٸ تار تۇسى دەپ باعالايدى.
بۇدان بٶلەك, «قازاقستان تەمٸر جولى» كومپانيياسى قىتاي مەن ەۋروپاداعى تەرمينالدىق قۋاتتاردى كەڭەيتٸپ, ەۋرووداق اۋماعىنداعى جاڭا لوگيستيكالىق اكتيۆتەردٸ قاراستىرىپ جاتىر.
سوڭعى ۋاقىتتا قىتاي مەن يران اراسىنداعى كونتەينەرلٸك تاسىمال كٶلەمٸ دە ايتارلىقتاي ٶسكەن. مەلٸمەتتەرگە سەيكەس, بٸر جىلدىڭ ٸشٸندە بۇل باعىتتاعى جٷك كٶلەمٸ بٸرنەشە ەسە ارتقان.
