قازاقستاندا يپوتەكا مٶلشەرلەمەسٸ باستاپقى جارنا كٶلەمٸنە بايلانىستى بەلگٸلەنەدٸ, دەپ حابارلايدى dalanews.kz.
2027 جىلعى 1 قاڭتاردان باستاپ يپوتەكالىق نەسيەلەر بويىنشا سارالانعان مٶلشەرلەمە جٷيەسٸ ەنگٸزٸلەدٸ. جاڭا تەرتٸپكە سەيكەس تۇرعىن ٷي قۇنىنىڭ كەمٸندە 30 پايىزىن باستاپقى جارنا رەتٸندە تٶلەگەن ازاماتتار يپوتەكانى تٶمەنٸرەك مٶلشەرلەمەمەن رەسٸمدەي الادى.
ەرەجەگە ساي نەسيە سوماسىنىڭ كەپٸلگە قويىلعان مٷلٸك قۇنىنا قاتىناسى (LTV) 0,7-دەن اسپاسا, شەكتٸ مٶلشەرلەمە 20 پايىزعا دەيٸن بەلگٸلەنەدٸ. ال بۇل كٶرسەتكٸش 0,7-دەن جوعارى بولسا, مٶلشەرلەمە 25 پايىزعا دەيٸن جەتۋٸ مٷمكٸن.
2026 جىلدىڭ سوڭىنا دەيٸن قولدانىستاعى 25 پايىز دەڭگەيٸندەگٸ مٶلشەرلەمە ساقتالادى.
مامانداردىڭ سٶزٸنشە, باستاپقى جارنا نەعۇرلىم جوعارى بولعان سايىن قارىز الۋشى ٷشٸن نەسيە قۇنى تٶمەن بولادى.
