قوعامدا ەرەكشە قاجەتتٸلٸگٸ بار ادامدارعا كٶمەكتەسكٸسٸ كەلەتٸندەر كٶپ. الايدا كەيدە جاقسى نيەتپەن جاسالعان ەرەكەت ادامعا قولايسىزدىق تۋدىرۋى مٷمكٸن. مەسەلەن, رۇقساتسىز مٷگەدەكتەر ارباسىن يتەرۋ, ادامنىڭ ٶزٸمەن تٸكەلەي بايلانىس ورناتپاۋ, اياۋشىلىق تانىتۋ - جيٸ كەزدەسەتٸن قاتەلٸكتەردٸڭ بٸرٸ. ال شىن مەنٸندە ينكليۋزييا ارنايى زاڭدار مەن مەملەكەتتٸك باعدارلامالاردان عانا ەمەس, كٷندەلٸكتٸ قارىم-قاتىناستان باستالادى. Dalanews.kz رەداكتسيياسى قوعامدا ەرەكشە قاجەتتٸلٸگٸ بار ادامدارمەن قارىم-قاتىناس كەزٸندە ەسكەرۋگە تيٸس نەگٸزگٸ قاعيدالارعا شولۋ جاسادى.
كٶمەك ۇسىنار الدىندا مٸندەتتٸ تٷردە سۇراڭىز
كٶشەدە نەمەسە قوعامدىق ورىندا ەرەكشە قاجەتتٸلٸگٸ بار ادامدى كٶرگەندە كٶپشٸلٸك بٸردەن كٶمەكتەسۋگە اسىعادى. دەگەنمەن ونىڭ كٶمەكتٸ قاجەت ەتەتٸنٸن ٶزٸڭٸز شەشپەۋٸڭٸز كەرەك. ەڭ الدىمەن "سٸزگە كٶمەكتەسەيٸن بە?" نەمەسە "قالاي كٶمەكتەسكەنٸم دۇرىس?" دەپ سۇراۋ جەتكٸلٸكتٸ. ەگەر ادام كٶمەكتەن باس تارتسا, ونىڭ شەشٸمٸن قۇرمەتتەۋ قاجەت. سەبەبٸ كٶپتەگەن ادام كٷندەلٸكتٸ ٸسٸن ٶز بەتٸنشە اتقارۋعا داعدىلانعان.
مٷگەدەكتەر ارباسىنا رۇقساتسىز قول تيگٸزبەڭٸز
مٷگەدەكتەر ارباسى دا ادامنىڭ جەكە كەڭٸستٸگٸنٸڭ بٸر بٶلٸگٸ سانالادى. سوندىقتان ونىڭ رۇقساتىنسىز اربانى قوزعاۋعا, يتەرۋگە, سٷيەنۋگە نەمەسە ٷستٸنە زات قويۋعا بولمايدى. ەگەر باسپالداقتان ٶتۋ نەمەسە باسقا كەدەرگٸنٸ ەڭسەرۋ كەزٸندە كٶمەك قاجەت بولسا, الدىمەن قالاي كٶمەكتەسۋ كەرەگٸن ناقتىلاپ العان دۇرىس.
ادامنىڭ ٶزٸمەن سٶيلەسٸڭٸز
كەيدە ەرەكشە قاجەتتٸلٸگٸ بار ادامنىڭ جانىندا تۋىسى, دوسى نەمەسە جەكە كٶمەكشٸسٸ جٷرەدٸ. مۇنداي جاعدايدا سۇراقتى ونىڭ جانىنداعى ادامعا ەمەس, تٸكەلەي ٶزٸنە قويعان دۇرىس.
مىسالى, ەستۋ قابٸلەتٸ بۇزىلعان ادامنىڭ جانىندا ىمداۋ تٸلٸ مامانى بولسا دا, ەڭگٸمەنٸ سول ادامعا قاراپ باستاپ, تابيعي داۋىسپەن سٶيلەسكەن جٶن. اۋدارماشى - تەك ەڭگٸمەنٸ جەتكٸزۋشٸ.
بۇل قاعيدا بالالارعا دا قاتىستى. ەرەكشە قاجەتتٸلٸگٸ بار بالانى اتا-اناسىنىڭ كٶلەڭكەسٸندە قالدىرماي, پٸكٸرٸن ٶزٸنەن سۇراۋ - وعان دەگەن قۇرمەتتٸڭ بەلگٸسٸ.
اياۋشىلىق ەمەس, قۇرمەت ماڭىزدى
كەي ادامدار ەرەكشە قاجەتتٸلٸگٸ بار ازاماتتارعا تەك اياۋشىلىقپەن قارايدى. الايدا مۇنداي كٶزقاراس ولاردىڭ قوعامداعى تەڭ قۇقىقتى مٷشەسٸ ەكەنٸن ەكٸنشٸ ورىنعا ىسىرادى.
ينكليۋزيۆتٸ قوعامنىڭ باستى قاعيداسى – اياۋ ەمەس, تەڭ مٷمكٸندٸك بەرۋ. ياعني ادامنىڭ مٷمكٸندٸگٸنە قاراي بٸلٸم الۋىنا, ەڭبەك ەتۋٸنە, قوعامدىق ورىنداردى ەركٸن پايدالانۋىنا جەنە ٶز تاڭداۋىن جاساۋىنا جاعداي جاساۋ.
بالالارعا ينكليۋزييانى قالاي تٷسٸندٸرەمٸز?
بالالار ەرەكشە قاجەتتٸلٸگٸ بار ادامدى كٶرگەندە سۇراق قويۋى قالىپتى جاعداي. مۇندايدا بالانى توقتاتىپ نەمەسە ۇيالتۋدىڭ قاجەتٸ جوق.
كەرٸسٸنشە, ادامداردىڭ بٸر-بٸرٸنەن ەرەكشەلەنەتٸنٸ, كەيبٸرٸ اربامەن جٷرەتٸنٸ, كەيبٸرٸنٸڭ كٶرۋ نەمەسە ەستۋ قابٸلەتٸ ٶزگەشە ەكەنٸ تۋرالى قاراپايىم تٸلمەن تٷسٸندٸرگەن دۇرىس. بۇل بالادا قۇرمەت پەن تٷسٸنٸستٸك مەدەنيەتٸن قالىپتاستىرادى.
قوعامدىق ورىندا قاراپايىم ەدەپتٸ ۇمىتپاڭىز
ينكليۋزيۆتٸ ورتا كٷندەلٸكتٸ قاراپايىم ەرەكەتتەردەن باستالادى. ارنايى تۇراققا كٶلٸك قويماۋ, تاكتيلدٸ جولاقتاردىڭ ٷستٸنە زات قالدىرماۋ, پاندۋستى بٶگەمەۋ, قوعامدىق كٶلٸكتەگٸ ارنايى ورىندى قاجەت ادامعا بوساتۋ - كەز كەلگەن ازاماتتىڭ قولىنان كەلەتٸن ٸس.
سونداي-اق ەرەكشە قاجەتتٸلٸگٸ بار ادامعا ۇزاق قاراپ قالۋ, ونىڭ دەنساۋلىعىنا قاتىستى ورىنسىز سۇراق قويۋ نەمەسە سۋرەتكە رۇقساتسىز تٷسٸرۋ دە ەدەپكە جاتپايدى.
