Qoǵamda erekshe qajettiligi bar adamdarǵa kómekteskisi keletinder kóp. Alaida keide jaqsy nietpen jasalǵan áreket adamǵa qolaisyzdyq týdyrýy múmkin. Máselen, ruqsatsyz múgedekter arbasyn iterý, adamnyń ózimen tikelei bailanys ornatpaý, aiaýshylyq tanytý - jii kezdesetin qatelikterdiń biri. Al shyn máninde inkliýziia arnaiy zańdar men memlekettik baǵdarlamalardan ǵana emes, kúndelikti qarym-qatynastan bastalady. Dalanews.kz redaktsiiasy qoǵamda erekshe qajettiligi bar adamdarmen qarym-qatynas kezinde eskerýge tiis negizgi qaǵidalarǵa sholý jasady.
Kómek usynar aldynda mindetti túrde surańyz
Kóshede nemese qoǵamdyq orynda erekshe qajettiligi bar adamdy kórgende kópshilik birden kómektesýge asyǵady. Degenmen onyń kómekti qajet etetinin ózińiz sheshpeýińiz kerek. Eń aldymen "Sizge kómekteseiin be?" nemese "Qalai kómekteskenim durys?" dep suraý jetkilikti. Eger adam kómekten bas tartsa, onyń sheshimin qurmetteý qajet. Sebebi kóptegen adam kúndelikti isin óz betinshe atqarýǵa daǵdylanǵan.
Múgedekter arbasyna ruqsatsyz qol tigizbeńiz
Múgedekter arbasy da adamnyń jeke keńistiginiń bir bóligi sanalady. Sondyqtan onyń ruqsatynsyz arbany qozǵaýǵa, iterýge, súienýge nemese ústine zat qoiýǵa bolmaidy. Eger baspaldaqtan ótý nemese basqa kedergini eńserý kezinde kómek qajet bolsa, aldymen qalai kómektesý keregin naqtylap alǵan durys.
Adamnyń ózimen sóilesińiz
Keide erekshe qajettiligi bar adamnyń janynda týysy, dosy nemese jeke kómekshisi júredi. Mundai jaǵdaida suraqty onyń janyndaǵy adamǵa emes, tikelei ózine qoiǵan durys.
Mysaly, estý qabileti buzylǵan adamnyń janynda ymdaý tili mamany bolsa da, áńgimeni sol adamǵa qarap bastap, tabiǵi daýyspen sóilesken jón. Aýdarmashy - tek áńgimeni jetkizýshi.
Bul qaǵida balalarǵa da qatysty. Erekshe qajettiligi bar balany ata-anasynyń kóleńkesinde qaldyrmai, pikirin ózinen suraý - oǵan degen qurmettiń belgisi.
Aiaýshylyq emes, qurmet mańyzdy
Kei adamdar erekshe qajettiligi bar azamattarǵa tek aiaýshylyqpen qaraidy. Alaida mundai kózqaras olardyń qoǵamdaǵy teń quqyqty múshesi ekenin ekinshi orynǵa ysyrady.
Inkliýzivti qoǵamnyń basty qaǵidasy – aiaý emes, teń múmkindik berý. Iaǵni adamnyń múmkindigine qarai bilim alýyna, eńbek etýine, qoǵamdyq oryndardy erkin paidalanýyna jáne óz tańdaýyn jasaýyna jaǵdai jasaý.
Balalarǵa inkliýziiany qalai túsindiremiz?
Balalar erekshe qajettiligi bar adamdy kórgende suraq qoiýy qalypty jaǵdai. Mundaida balany toqtatyp nemese uialtýdyń qajeti joq.
Kerisinshe, adamdardyń bir-birinen erekshelenetini, keibiri arbamen júretini, keibiriniń kórý nemese estý qabileti ózgeshe ekeni týraly qarapaiym tilmen túsindirgen durys. Bul balada qurmet pen túsinistik mádenietin qalyptastyrady.
Qoǵamdyq orynda qarapaiym ádepti umytpańyz
Inkliýzivti orta kúndelikti qarapaiym áreketterden bastalady. Arnaiy turaqqa kólik qoimaý, taktildi jolaqtardyń ústine zat qaldyrmaý, pandýsty bógemeý, qoǵamdyq kóliktegi arnaiy oryndy qajet adamǵa bosatý - kez kelgen azamattyń qolynan keletin is.
Sondai-aq erekshe qajettiligi bar adamǵa uzaq qarap qalý, onyń densaýlyǵyna qatysty orynsyz suraq qoiý nemese sýretke ruqsatsyz túsirý de ádepke jatpaidy.
