امەريكالىق كەسٸپكەر يلون ماسك The Economist باسىلىمىنا بەرگەن سۇحباتىندا رەسەي مەن ۋكراينا اراسىنداعى سوعىستى مٷمكٸندٸگٸنشە تەزٸرەك اياقتاپ, بەيبٸت كەلٸسٸمگە كەلۋگە شاقىردى, دەپ حابارلايدى dalanews.kz.
ونىڭ ايتۋىنشا, مايدانداعى جاعداي سوڭعى ەكٸ-ٷش جىلدا ايتارلىقتاي ٶزگەرمەگەنٸمەن, كٷن سايىن كٶپتەگەن ادام قازا تاۋىپ جاتىر.
«جاقىن ارادا قانداي دا بٸر بەيبٸت كەلٸسٸمگە قول جەتكٸزٸلەدٸ دەپ ٷمٸتتەنەمٸن. ٶيتكەنٸ سوڭعى ەكٸ-ٷش جىلدا مايدان شەبٸ ٸس جٷزٸندە ٶزگەرگەن جوق, ال الدىڭعى شەپتە كٷن سايىن كٶپتەگەن ادام كٶز جۇمادى», – دەدٸ ماسك.
ميللياردەردٸڭ ايتۋىنشا, ول بەيبٸت كەلٸسٸمدٸ بۇرىننان قولداپ كەلەدٸ. ونىڭ پٸكٸرٸنشە, سوعىستى توقتاتۋ ٷشٸن رەسەيگە بەلگٸلٸ بٸر دەرەجەدە ىمىرا جاساۋ قاجەت بولعان.
«بٸرنەشە جىل بۇرىن بۇل جەردە رەسەيگە بەلگٸلٸ بٸر جەڭٸلدٸكتەر جاسالۋى تيٸس دەپ جازعان ەدٸم. بۇل مەنٸڭ رەسەيدٸڭ جاعىندا ەكەنٸمدٸ بٸلدٸرمەيدٸ. مەن تەك پراگماتيكالىق كٶزقاراستى ۇستاندىم. ەيتپەسە ادامدار جىلدار بويى قازا تابادى, ال سوڭىندا ەشتەڭە ٶزگەرمەيدٸ. دەل سولاي بولدى», – دەدٸ ول.
يلون ماسكتىڭ سٶزٸنشە, ەگەر تاعى بٸرنەشە جىل بويى ادامدار مايداندا مەنسٸز قازا تابا بەرسە, بۇل ٷلكەن قاسٸرەت بولادى.
«مايداندا قازا تاپقان ەر ادامداردىڭ بالالارىنا مۇنى قالاي تٷسٸندٸرۋگە بولادى?» – دەپ سۇرادى كەسٸپكەر.
سونىمەن قاتار ماسك جوعارى لاۋازىمدى ديپلوماتتاردى دا سىنعا الدى.
«ادامدار مايداندا قازا تاۋىپ جاتقاندا, سەندٸ ورىنداردا جەتٸ تٷرلٸ تاعامنان كەشكٸ اس ٸشٸپ, “رەسەي كەتۋٸ كەرەك” دەپ سٶز سٶيلەيتٸن جوعارى لاۋازىمدى ديپلوماتتار مەنٸ قاتتى اشۋلاندىرادى. بٸراق ولاردىڭ ٶزدەرٸ رەسەيگە بارمايدى», – دەدٸ ول.
