الماتىنىڭ ٸرگەسٸندەگٸ ٸلە الاتاۋى مەملەكەتتٸك ۇلتتىق تابيعي پاركٸنە 30 جىل تولدى, دەپ حابارلايدى Dalanews.kz.
1996 جىلى 164 450 گەكتار اۋماقپەن قۇرىلعان پارك بٷگٸندە 200 160 گەكتارعا دەيٸن كەڭەيٸپ, ەرەكشە قورعالاتىن تابيعي اۋماق 35 710 گەكتارعا ۇلعايدى. بۇل – تابيعي ەكوجٷيەنٸ ساقتاۋ مەن بيوالۋانتٷرلٸلٸكتٸ قورعاۋعا باعىتتالعان جٷيەلٸ مەملەكەتتٸك جۇمىستىڭ نەتيجەسٸ.
ٷش ونجىلدىق ٸشٸندە ۇلتتىق پارك اۋماعىندا 1637 گەكتار جەرگە 5 010 000 اعاش كٶشەتٸ وتىرعىزىلدى. ورماندى قالپىنا كەلتٸرۋ جۇمىستارى 7 پيتومنيكتٸڭ تۇراقتى قىزمەتٸمەن قامتاماسىز ەتٸلٸپ وتىر. ورمان قورى ٶرت قاۋٸپتٸلٸگٸنٸڭ 3 كلاسىنا جاتاتىندىقتان, پارك اۋماعىندا 4 ورمان ٶرت سٶندٸرۋ ستانتسيياسى جۇمىس ٸستەيدٸ, 41 جاۋىنگەر كەزەكشٸلٸك اتقارادى. مىڭداعان شاقىرىم ٶرتكە قارسى جولدار جٶندەلٸپ, الدىن الۋ شارالارى كٷشەيتٸلگەن.
30 جىل ٸشٸندە پارك تەك تابيعاتتى قورعاۋمەن شەكتەلمەي, تۋريزمنٸڭ دە درايۆەرٸنە اينالدى. 1996 جىلى نەبەرٸ 27,4 مىڭ ادام كەلسە, 2025 جىلى كەلۋشٸلەر سانى 945,9 مىڭعا جەتتٸ. تۋريستٸك مارشرۋتتار سانى 8-دەن 46-عا دەيٸن ٶستٸ. ٷلكەن الماتى كٶلٸ, تٷرگەن سارقىرامالارى, ەسٸك كٶلٸ, بۋتاكوۆكا شاتقالى سيياقتى باعىتتار جىل سايىن مىڭداعان تۋريستٸ قابىلدايدى. بيىل تاعى بٸرنەشە جاڭا سوقپاق پەن ۆيزيت-ورتالىق ٸسكە قوسىلىپ, الداعى ٷش جىلدا 30 جاڭا مارشرۋت اشۋ جوسپارلانىپ وتىر.
عىلىم مەن جانۋارلار دٷنيەسٸن قورعاۋ باعىتىندا دا ناقتى نەتيجەلەر بار. 1996 جىلى 5–10 داراق قانا تٸركەلگەن ٸلبٸس سانى بٷگٸندە 39-عا جەتتٸ. قوڭىر ايۋ 85-كە, تاس سۋسارى 493-كە, بٷركٸت 97 داراققا دەيٸن كٶبەيگەن. پارك اۋماعىندا 2 گەنەتيكالىق رەزەرۆات قۇرىلىپ, سيۆەرس الماسىنىڭ كلون مۇراعاتى ساقتالۋدا. 2024 جىلى ۇلتتىق پاركتەر اراسىندا العاش رەت in-vitro زەرتحاناسى اشىلىپ, سيرەك ٶسٸمدٸكتەردٸ جاساندى ورتادا كٶبەيتۋ باستالدى.
ەكولوگييالىق مەدەنيەتتٸ قالىپتاستىرۋ دا باستى باسىمدىققا اينالعان. 1996–2025 جىلدارى 3211 ەكولوگييالىق ٸس-شارا ٶتكٸزٸلٸپ, 2 ملن-نان استام ەرٸكتٸ مەن ەكوبەلسەندٸ قامتىلعان. سونىمەن قاتار ينۆەستيتسييالىق جوبالار سانى 1-دەن 94-كە دەيٸن ٶستٸ. قازٸر پارك اۋماعىندا 3 شاڭعى كۋرورتى, 5 ۆيزيت-ورتالىق جەنە بٸرنەشە زاماناۋي دەمالىس نىساندارى جۇمىس ٸستەيدٸ.
ٸلە الاتاۋى – 30 جىلدا جاي عانا قورعالاتىن اۋماق ەمەس, تابيعي مۇرانى ساقتاۋدىڭ, تۋريزمدٸ دامىتۋدىڭ جەنە عىلىمي ٸزدەنٸستەردٸ جٷيەلەۋدٸڭ ۇلتتىق مودەلٸنە اينالدى.
